Árið 2013

Árið 2013 að enda komið, ágætis ár til að líta yfir og margt gott til að rifja upp. Í byrjun ársins hófst skólinn enn og aftur. Nú var stefnt á útskrift með vorinu, áfanginn náðist með góðum árangri í vor. Í mars fórum við til Tenerife http://www.flickr.com/photos/njordur/sets/72157633043302321/ og náðum þar nánast eina sólskini ársins.

Þar var lúft að vera í hléi skólans, eftir ferðalagið í sólina hófst námið aftur með stefnu á að ljúka því. Í sumarbyrjun vorum við iðnmeistararnir útskrifaðir, eftir útskriftina fór ég í menntamálaráðuneytið og fékk tvö bréf uppá að ég væri grunnskólakennari og annað uppá að ég væri framhaldsskólakennari í minni faggrein. http://www.flickr.com/photos/natturan/9418064740/

Ferðalög sumarsins urðu  um norðurlandið og á Tröllaskaga http://www.flickr.com/photos/njordur/sets/72157634250843935/

og síðan vestur á Strandir http://www.flickr.com/photos/njordur/sets/72157634712747184/. Báðir staðirnir gefandi og gaman að koma í fyrsta skiptið á þá báða.

Að hausti hóf ég nám í BED námi Háskóla Íslands, menntavísindasviði og í október tók ég það fag sem mig vantaði uppá stúdentsprófið og lauk því í desember úr tæknimenntaskólanum: http://www.flickr.com/photos/njordur/11469839536/

Þetta ár hefur gengið með dyggri hjálp konunnar minnar sem er sterkari en stál við að bera mig á örmum sér í gegnum lífið.

Öllum óska ég gleðilegs árs og þakka fyrir það sem er að líða.