Ekki óvænt.

Það kom mér ekki á óvart að versluninn sem var opnuð á tímum sturlunar í íslenskum byggingariðnaði mundi loka. Verst með starfsfólkið en svona er líf iðnaðarinns í dag.

Loka í Kauptúni og segja upp

Til hamingju Ísland!

Ánægjulegt er að formlegar aðildarviðræður Íslands við Evrópusambandið séu hafnar. Viðræður sem mjög líklega ganga fljótt og vel. Við íslendingar erum á þröskuldi aðildar að ESB. Með EES aðildinni erum við að taka upp flest lög og reglur ESB. Við tökum þau í lagaumhverfi okkar. Með EES samningnum setjum við þau inn í okkar lög án andstöðu. Þegar Ísland verður þjóð í Evrópusambandinu tökum við þátt í lagasetningunni. Samþykkjum lög og höfnum þeim. Við verðum alvöru aðildarland. Í dag höfum við hvorki málfrelsi eða tillögurétt innan ESB.

Með aðild verður Ísland þjóð meðal þjóðanna í sömu heimsálfunni.

Aðildarviðræður hafnar

Skyldi hann?

Ætli Captain Kirk sé um borð?

Stærsta herskip heims á leið til Líbíu?

Hækkun á landi. Ekki í hafi.

Það eru djúpir vasarnir okkar Íslendinga. Þangað er hægt að kafa endalaust eftir aurum sem standa undir auknum álögum ríkisins.Að lokum verður ekkert þar lengur nema vasaló.

Við verðum að borga meira fyrir það að fá okkur áfengan drykk. Drekka bara lindarvatn. Við verðum að borga stórar upphæðir í ríkissjóð fyrir það að setja eldsneyti á bílana okkar. Helst ekki fara lengra en upp Ártúnsbrekkuna. Nú er rætt um að skattleggja matarinnkaupin svo hressilega að við förum í Árnastofnun til að ná okkur í handrit til að tyggja.

Málið virðist vera það að leggja á okkur sem allra mestar álögur. Jú þær eru tvöfaldaðar með áhrifum hækkananna á verðtrygginguna á lánunum okkar.

Matarskattur til skoðunar

Ekkert gefið eftir.

Ánægjulegt að sjá það að fara á alla leið á handaflinu. Dugnaðarforkur!

Á Hvannadalshnjúk í hjólastól

Opna á Dyrhólaey. Það er besta leiðin!

Það er með ólíkindum þrætumálið um Dyrhólaey. Menn keppast um að verja það sem þeir kalla sitt land. En það er ekki eignaland heldur nytjaréttur sem fólk á. Dyrhólaey hefur verið lokað síðastliðna áratugi að vori og snemmsumars. Lokað er til að verja fugl sem verpir þar. Helst hefur verið talað um æðarfugl. Mér skilst að í talningu í vor hafi fundist merki um sex æðarhreiður á Eynni.

Þetta er ekki skrýtið því að með lokun eyjarinnar hafa minkar og refir átt friðað athvarf á Dyrhólaey. Umferð fólks um Eynna hélt varginum frá fuglinum. En með lokuninni hefur ekkert haldið varginum frá æðarhreiðrunum. 

Síðan hefur komið fram ótrúleg saga um að menn séu að fara út á Dyrhólaey til þess að eyðileggja æðarhreiður. Skemma hreiðrin og fæla fuglinn frá varpsvæðinu. Þessi ásökun á fólk sem fer um Dyrhólaey er skammarleg. Skelfilegt er að vita til þess að fólk finni hjá sér þörf fyrir að saka annað fólk um að steypa undan pokafuglinum.

Ég vona að þessari lokun Dyrhólaeyjar ljúki. Eitt af því sem hefur fylgt lokuninni er að Dyrhólaey er sokkin í gras og sinu yfir vetrartímann. Því er mjög eðlilegt að Eyjan sé beitt til að sporna við ofvexti grassins. Það er líka morgunljóst að sauðfé heldur minknum og refnum frá svæðinu. 

Því held ég að það sem er best gert á Dyrhólaey sé að beita hana og leyfa ferðafólki að fara um hana eftir merktum göngustígum sem eru til á skipulagi sem var gert og samþykkt fyrir allmörgum árum.

Þinglýsa eignarhaldi á Dyrhólaey

Góður gróandi.

Þetta er jákvæður gróður sem er að vaxa upp á Skeiðarársandi. Vonandi að ekki verði hann fyrir árás lúpínunnar eins og er í Bæjastaðaskógi.

Skógur vex á Skeiðarársandi

Danska liðið það erfiðasta.

Það er jafn erfiður leikur fyrir íslenska fótboltaliðið að leika við Dani og að spila við Spánverja. Besta lið í heimi er jafnerfitt. Jafnvel auðveldara í raun réttri en danska landsliðið.

Danagrýlan vomir yfir íslenska liðinu!

Danagrýlan lifir góðu lífi

Jón hræddi.

Helsta markmið Jóns Bjarnasonar  með leiðum til að koma fyrir inngöngusamning í EB er að reyna að spilla fyrir samningnum um aðild Íslands. Hvað er hann hræddur við? Frelsið sem íslenskar afurðir verða hluti að? Styrki til jaðarssvæða sem aðildarriíki fá? Eða bara viljaleysi fyrir því að opna augun og tala fyrir jákvæðum breytingum?

Hvað við?

VG hagar sér núna eins og þeir hafi gleymt að renna upp. Snúa sér til veggjar til að fela opna buxnaklauf.

Herinn er farinn. Eini hagurinn er að við erum í varnarbandalagi. Þar höfum við áhrif og njótum mun meira en við látum frá okkur.

Þessi NATOtillaga VG er eingöngu til að sýnast. Aðgerð sem er VG mest til minkunar.

„Átakanlegt yfirklór VG“