Ágætt mál. En lýsing óþörf.

Ágætt að búið er að ákveða að breikka veginn. Mér finnst reyndar að 2+1 geri góða hluti. Með því móti er líklega hægt að breikka og bæta lengri kafla.

En ég hef ætíð verið fylgjandi 2+2 á Hellisheiðinni. Spurning hvort að ljósastaurar eru ekki óþarfir. Skapa falskt öryggi. Eru dýrir í uppsetningu, viðhaldi og rekstri 

Breikkun kostar 15,9 milljarða

Athugasemdir

[Garðar Jóhannsson, 25.3.2009 kl. 17:00]

Tek undir með þér varðandi tvöföldunina. En er ósammála skoðun þinni á lýsingu. Allt í lagi þetta gæti orðið dýrt en allt sem bætir sýn í blindbyl, þó ekki nema örlítið er plús. Það ætti t.d. að vera löngu búið að setja ljósastaura í þrengslin samkvæmt samningi milli Orkuveitunar og Sveitarfélagsins Ölfusar. Orkuveitan fékk að byggja heilt orkuver á landsvæði Ölfusar og hluti af samningnum var að lýsa upp þrengslin.

[Steinmar Gunnarsson, 25.3.2009 kl. 20:40]

Ég sé mig tilneydann til að mótmæla lýsingu, þó ekki væri nema vegna rektrarkostnaðar, það er hér um bil óþekkt annarstaðar í Evrópu að eyða öðrum eins fjármunum í vegalýsingu og á Íslandi, samt kemst fólk leiðar sinnar. Það er ekki hægt að segja að lýsing skapi öryggi, því að ef það eina sem menn vantar til að komast á milli staða er betri vegalýsing, verða þeir að bíða eftir betra skyggni. Ef skyggnið er svona slæmt að menn komist ekki spönn frá rassi, er best fyrir þá, og aðra, að vera heima hjá sér. Lýsing þjóðvega skapar, að mínu áliti, falskt öryggi og það leiðir til þess að fólk sem á ekki erindi hvort sem er, á vegina, þvælist um í blindbyl og slæmu skyggni út í aðstæður sem það ræður ekki við.