Timburmenn góðærisins.

Það hlýtur að létta á mörgum landsföðurnum við að lesa þessi tíðindi. "Loksins erum við búin að grafa góðærið"

En hvernig ætli sé hugsunin um fólkið sem í dag situr uppi með tvær eignir í höndunum. Fólkið sem hefur farið út í fasteignakaup. Já fólkið sem ákvað að minnka við sig húsnæðið. Eða fólkið sem var búið að kaupa sér stærra húsnæði til að mæta þörfum stækkandi fjölskyldu. Í slíkum tilfellum og öðrum af svipuðum eða ólíkum toga er til fólk.

Já allnokkuð margir sem sitja nú á milli steins og sleggju með tvær eignir í höndunum og getur við hvoruga losnað. Verða að borga afborganir af tveim eignum. Þeirri gömlu og yfirtekin eða ný lán á nýju eigninni.

Ekki er ósennilegt að einhverjar þessara eigna eigi eftir að lenda undir hömrum innheimtumanna. Þá er spurning hvort vonarspá Seðlabankans um 30% lækkun húsnæðisverðs gangi eftir. Þá duga eignirnar í einhverjum tilfellum ekki fyrir veðunum.

Þetta getur átt eftir að hafa slæm og erfið áhrif á þær fjölskyldur sem í þessu lenda.

Vonandi verða Timburmenn stjórnvalda eftir góðærisbóluna ekki faldir í því að horfa upp á að fátækum fjölskyldum á Íslandi fjölgi.

75 kaupsamningum þinglýst á höfuðborgarsvæðinu

Athugasemdir

[Linda Ósk Sigurðardóttir (IP-tala skráð) 18.4.2008 kl. 23:47]

Kvitt, kvitt og bara ef þér leiðist og vantar áhugamál þá er að störfum vel starfandi deild í Kópavoginum með fullt af verkefnum fyrir þig og þína 

[Njörður (IP-tala skráð) 18.4.2008 kl. 23:54]

Mín kæra. Hér á Burknavöllunum er lífið dásamlegt. Áhugamál og gleði.

Þakka þér samt ábendinguna. MBK.NH.