Svar strax.

Það verður að komast að niðurstöðu í máli Hauks. Óvissa í málinu og upplýsingaleysi er algerlega ótækt. 

Vinur Hauks bað Alþingi um hjálp

Athugasemdir

[Gunnar, 10.4.2018 kl. 17:30]

Ég styð þá ósk Lárusar Páls Birgissonar að einhver skrifi bréf sem heimilar honum að fara og leita að Hauki vini hans.

[Heimir Lárusson Fjeldsted, 10.4.2018 kl. 19:17]

Var Haukur í friðarerindum?

[Þorsteinn Siglaugsson, 10.4.2018 kl. 19:20]

Það er auðvitað sjálfsagt að för þeirra sem vilja leita Hauks sé ekki hindruð. Hvort hann finnst, lífs eða liðinn, er hins vegar óvíst því miður. Þar er ekki við íslensk stjórnvöld að sakast. Haukur var, held ég, að ganga erinda þeirra sem berjast gegn harðstjórn og kúgun. Það er virðingarvert.

[Halldór Egill Guðnason, 11.4.2018 kl. 01:26]

 Það skiptir afskaplega litlu, hvort einhver skrifar bréf fyrir Lárus. Honum er fullkomlega frjálst að fara og leita Hauks. Uppáskrifað skjal eða annað, frá pólitíkusum, má sín lítils í þessum hildarleik. Menn gefa sér engan tíma til að lesa bréf frá Íslandi, eða hvaðan sem er, þá komið er á átakasvæðið. Þar gildir aðeins ein regla.: Að skjóta mann, eða verða skotinn sjálfur ella. Þetta vissi Haukur, þegar hann fór. Ekkert atti honum út í þetta, nema hugsjónir hans. Áhættan hlýtur honum að hafa verið ljós.

 Umdeildur hugsjónamaður, fram í rauðan dauðann, sem sennilega er fallinn fyrir málstað sinn, þó enn sé það ekki algerlega víst. Vonandi finnst hann, lífs eða liðinn. Að ætla að senda einhverja frá Íslandi, með bréf upp á vasann að leita að honum, er bilun.

 Sem nemur rúmlega ALLRI Íslensku þjóðinni, hefur verið tortímt í þessu brjálæði. Höfum það í huga. Leyfisbréf, bænaskjöl til þarlendra aðila og annað diplómatískt rugl, mun með engu hjálpa til við leitina. Það er staðreynd, sem Lárus og fleiri verða því miður að sætta sig við. "Tough shit", en svona er þetta.

 Góðar stundir, með kveðju að sunnan.