Jákvætt á Dyrhólaey.

Það er virkilega ánægjulegt að þessar framkvæmdir séu á döfinni á Dyrhólaey. Bæði á Háey og Lágey. Verst er að ummerki mannanna verða eilíf í Afglapaskarðinu á Lágeynni.
En það er ánægjulegt að á Dyrhólaey geti fólk gengið örna sinna þegar þangað er komið annars staðar en bak við steinana. Dyrhólaey er einn vinsælasti ferðamannastaðurinn á suðurlandi utan gullna hringsins.
En eitt vil ég fá að vita: Á að vernda áfram kolluna einu sem var í fyrra á Dyrhólaey eða á Dyrhólaey að verða öllum opin yfir sumarið?

Fimm milljónir króna í Dyrhólaey

Athugasemdir

[Einar Steinsson, 22.4.2012 kl. 18:36]

Afglapaskarðið er hroðalegt lýti á þessum fallega stað og óskiljanlegt að þær framkvæmdir skuli hafa verið leifðar og þau mistök verða aldrei bætt, þarna á Lágeyjunni er allt annað landslag í dag heldur en var þegar við Njörður vorum að alast upp í Mýrdalnum.

Ég er ekki hrifin af að vera að hrófla við fallegum stöðum með byggingum og stígagerð en á fjölförnum stöðum verður víst ekki hjá því komist, án þess verða á endanum ennþá meiri skemmdir heldur en þær sem stígarnir valda.

[Njörður Helgason, 23.4.2012 kl. 12:44]

Ég man að þegar ég fór fyrst niður á Kirkjufjöru með móður minni var leiðin þangað niður farin á réttu falli á Skorpunefinu. Þá var ekki komið neitt Glópaskarð svo að fjaran var miklu minna sótt heim en nú er.