Nötur og skjálftar.

Það er erfitt að sætta sig við það þegar jörðin nötrar. Ég er fæddur og uppalinn í Mýrdalnum í næsta nágrenni við Kötlu. Þar fann ég ekki neina jarðskjálfta á þeim tíma sem ég átti heima þar. Samt sem áður var Suður-Foss bærinn sem ég ólst upp á einn fyrsti bærinn sem Einar Halldór Einarsson jarðskjálftaspekingur á Skammadalshól hringdi á þegar hann sá hreyfingar á Kötlusvæðinu.

Fyrstu skjálftarnir sem ég fann voru á Selfossi. Síðan voru 17. júní skjálftarnir tveir og sólstöðuskjálftinn, sem voru árið 2000 af fullri stærð.

Nú vaggar landið við Kleifarvatn okkur ansi snarpt.

Annar stór skjálfti

Athugasemdir

[Sigurður Haraldsson, 27.2.2011 kl. 18:06]

Endar með gosi á sprungunni sem liggur þvert á landið!

[Guðjón Sigþór Jensson, 27.2.2011 kl. 18:34]

Sigurður: einkenni þessara skjálfta er spennulosun og höggun. Skjálftar sem tengjast eldgosi haga sér allt öðruvísi: þá er skjálftavirknin fremur væg en mjög stöðug. Þá eru gosefni á leið upp úr möttlinum og þrýsta sér leið upp á við.

Mosi

[Njörður Helgason, 27.2.2011 kl. 18:42]

Ég held að þessir skjálftar séu mun tengdari spennulosun en kviku umbrotum.

[Marinó Már Marinósson, 27.2.2011 kl. 18:49]

Sammála síðsta ræðumanni. Spennulosun að ég held. En sagan sýnir að vísu að þarna hafa orðið töluvert öflugir skjálftar.

[Rafn Haraldur Sigurðsson (IP-tala skráð) 27.2.2011 kl. 19:09]

Land þarna hefur verið að rísa undanfarin ár, samkvæmt orðum jarðfræðings í fréttum stöðvar 2.