Sá ekki milli húsa.

Askan úr Eyjafjallajökli fýkur vítt og breitt þessa dagana. Áðan hitti ég mann undan Eyjafjöllum. Hann á bræður í Steinahverfinu. Þar sást ekki á milli húsa í gær fyrir öskuryki og mér kæmi ekki á óvart að þannig hafi líka verið í dag.

Þessi hárfína aska sem er á hálendinu við Eyjafjallajökul, víða ansi þykk fýkur nú í vindinum eftir að gróðurinn er sölnaður og enginn snjór er yfir landinu til að hemja öskufjúkið.

Askan er líka svo smágerð að hún fýkur auðveldlega yfir byggðirnar undir Eyjafjöllum þegar vindurinn blæs af norðri eða úr norð-austri. Eyfellskir bændur og íbúar verða að lifa áram við það að askan sem kom upp í eldgosinu í vor fýkur og fjúki yfir þá í vetur og líklega næstu árin

Aska fýkur frá Eyjafjallajökli