Aðgerðirnar verður strax að gera.

Jón frá Hólum og aðrir ráðherrar ríkisstjórnarinnar verða að horfast í augu við staðreyndir málsins. Það verður að bregðast við þeirri stöðu sem er á gossvæðinu í dag.

Bændur munu að svo stöddu ekki hleypa lambám út á hagana þakta ösku. Því verður að flytja féð í burtu af gossvæðinu á öruggari staði. Það þýðir það eitt að fé sem flutt er í burtu er ekki hægt að flytja aftur heim vegna smitsjúkdóma sem eru utan þess svæðis sem féð er flutt frá. 

Því verða menn að koma lömbunum í sláturstærð í öðrum héruðum. Því bændur fara ekki að teyma unglömb undir sláturhnífinn. Þá fæst heldur ekkert fyrir framleiðsluna.

Þetta er sama málið með kýr og nautgripi. Á engan hátt er hægt að sleppa þeim út á öskuhulin túnin. Því verður að flytja hey í bústofninn. Það er heldur ekki hægt að gera hvaðan sem er út af smitsjúkdómum sem mögulega geta borist með töðunni.

Líklega eru einu skepnurnar sem hægt er að flytja fram og aftur hrossin. Þau falla ekki undir búfjárveikivarnir.

Garðabrúðan var á taflinu í Lækjarbrekkunni í gær. Sjáið myndasýninguna.

Staða bænda rædd á Selfossi

Athugasemdir

[Ragnar Kristján Gestsson, 16.5.2010 kl. 21:45]

Sæll Njörður, nú er ég ekki kunnugur málinu en er eitthvað því til fyrirstöðu að flytja sauðina burt af svæðinu?  Hér meina ég t.d. þær sömu sauðfjárvarnir sem myndu meina þeim heimkomu? 

[Njörður Helgason, 16.5.2010 kl. 23:37]

Ástæðan fyrir því að ekki er hægt að flytja sauðféð aftur á heimaslóðir þess er að svæðið undir Eyjafjöllum og Mýrdalurinn  teljast hrein svæði. Búfjársjúkdómar eru ekki landlægir þar. En á þessum svæðum sem talað er um að flytja skepnurnar æa er riða og aðrir búfjársjúkdómar landlægir.