Ákvörðunin getur ekki beðið.

Það fólk sem býr í nágrenni gosstöðvanna getur einfaldlega búist við hinu versta frá eldfjallinu. þetta er erfitt að sætta sig við, en á meðan virkni er jafnmikil og hún er í dag, þetta mörgum vikum eftir að gos hófst þurfum við ekki að búast við því að gosið hætti um helgina.

Það sem íbúarnir geta gert er að flýja staðina, en margfalt erfiðara er með skepnurnar. Því miður fer að líða að því að taka verður ákvörðun um hvað eigi að gera við búpeninginn.

Kindum og lömbum verður ekki sleppt á fjall, þar er allt á kafi í ösku.

Kúnum verður ekki hleypt út, hagarnir eru öskumengaðir og ekki hæfir til beitar.

Hrossunum er ekki mögulegt að sleppa á beit, þau eru viðkvæm fyrir öskunni og flúornum sem í henni er.

Staðan er svoleiðis að ekkert verður heyjað öðruvísi en að flytja talsvert af ösku í húsin með heyinu. Síðan deigir askan allt bit í heyvinnuvélunum mjög fljótt.

Það verður því miður að taka ákvörðun um það fljótt hvað eigi að gera.

Áfram öskufall