Gosefni úr nágrannafjallinu.

Já það er farin að falla gjóska í Mýrdalnum. Svo sem ekki von á öðru þegar nágrannafjallið er farið að gjósa. Þegar ég var yngri, 1973 setti ég disk út á tröppur í sveitinni til að gá hvort væri öskufall frá Vestmannaeyjum. Ég man eftir einu skipti sem var svolítill salli á disknum.

En gosið í Eyjafjallajökli er allt öðru vísi en Heimaeyjargosið var. Gosið í jöklinum er hreint þeytigos með spúandi ösku vítt og breitt. Ekkert hraunrennsli að svo stöddu heldur mikil gjóska sem myndast við það þegar gýs í bland við vatn og ís. Líklega svipað og var öðru hvoru í Surtseyjargosinu.

En Mýrdælingar bregðast vonandi rétt við því þegar gjóskan berst þangað.

Gjóskufall í Vík í Mýrdal