Afdrifamikið eldgos.

Á Eyjafjallajökli er ekki stór ísbreiða og því ekki sennilegt að úr honum komi stór hlaup. Það stærsta var þegar eldstöðin var búin að bræða hluta íssins í öskjunni á toppi fjallsins og út frá eldvirkni í hliðum fjallsins. Hún getur valdið flóðum eins og var í Svaðbælisánni í gær.

Miðað við þá virkni sem er í fjallinu núna geta vel opnast sprungur víðar í hliðum fjallsins sem geta brætt ís og valdið flóðum í ám sem renna suður af jöklinum og líka norðan megin.

Mesta hættan núna er af öskufalli í sveitirnar. Og vissulega eru afleiðingarnar á flugumferð í norður Evrópu miklar. Öskufallið getur verið drjúgmikið í sveitunum kringum jökulinn. Askan getur sannarlega haft áhrif á búsmalann, vélar og skepnur. Vélar og tæki standa verr af sér í öskumenguðum jarðvegi. Það er kostnaðarsamt fyrir bændurna að fara út í mikla plægingu til að bylta jarðveginum til að rækta á öskulausri jörð eftir gosið.

Það eru því miklir skaðar á jörðum og samgöngum sem gosið getur valdið. Miklu auðveldara að fá flæðigos eins og var á Fimmvörðuhálsinum í síðustu viku en þeytigos sem nú stendur yfir og spýr gjósku í allar áttir, eftir því hvernig vindar blása.

Gott að þetta komi í skömmtum