Jón gamli í torfbyrgi sínu.

Jón forni er enn að rembast við að berjast á móti inngöngu Íslands í Evrópusambandið. Hann ætlar að halda áfram rembingi sínum og afturhaldshugsunarhætti gegn inngöngunni.Hann er enn að berjast  á móti samþykkt ríkisstjórnarinnar sem hann situr í

Hvað heldur Jón að sé slæmt við inngöngu í EB? Hvað heldur Jón að sé betra við að vera utan bandalags Evrópuríkja. 

Hann heldur líklega að hann lifi eins og Róbinson Krúsó á eyðieyjunni. Fyrir Jón þá er verst að enginn er Fjárdagurinn sem mun hjálpa honum að lifa af.

Betur sett utan ESB

Athugasemdir

[Sigurður Þorsteinsson, 26.11.2009 kl. 20:18]

Hvaða bull er þetta í þér? Ríkisstjórnin samþykkti að sækja um, en skýrt hefur komið fram hjá VG að meginþorri þingmanna VG er á móti aðild.

Eiríkur Bergmann Einarsson dósent við félagsvísindadeild Háskólans hefur gagnrýnt það að ekki sé tryggur meirihluti fyrir aðildarumsókn á Alþingi og ekki einu sinni ríkisstjórnin stendur einhuga að því að ganga í sambandið.

Síðustu kannanir sýna að stuðningur fyrir aðild er ekki að aukast heldur er nánast að hverfa.

Það er mjög merkilegt hvernig ESB sinnar haga málstað sínum, en framgangan bendir ekki til þess að málstaðurinn sé mjög góður.

[Njörður Helgason, 26.11.2009 kl. 20:51]

@Sigurður hvað heldur þú að þú getir sagt um skoðanir mínar?

[Haraldur Hansson, 27.11.2009 kl. 00:03]

"... að berjast á móti samþykkt ríkisstjórnarinnar ..."

Og hvað samþykkti ríkisstjórnin? Jú, að leggja málið í dóm Alþingis og virða ólíkar skoðanir manna innan stjórnarflokkanna tveggja.

Og hver var svo afgreiðsla þingsins? Nokkrir þingmenn Vg voru þvingaðir til að segja já undir hótunum Jóhönnu um stjórnarslit.

Lýðræði byggist á frjálsum kosningum við eðlilegar og sanngjarnar aðstæður. Það sem gerðist á þinginu í júlí er afbökun á lýðræðinu. Pólitískt ofbeldi. Ég mæli með að menn smelli hér, fletti upp á blaðsíðu 23, lesi 4. tölulið 16. greinar og útskýri svo fyrir sjálfum sér hver staða Íslands yrði þegar þessi grein tekur gildi.

Til frekari glöggvunar er tafla fremst í bókinni sem vert er að skoða. Vægi Íslands yrði minna en einn þúsundasti af því sem þarf til að fá málum framgengt. Líkurnar á að atkvæði Íslands myndi einhvern tímann skipta einhverju máli eru talsvert minni en að vinna tvöfaldan pott í lottóinu. 

[Njörður Helgason, 27.11.2009 kl. 09:25]

@Haraldur en Alþingi samþykkti að farið yrði í viðræður um ingöngu Íslands í Evrópusambandið.

Viðræðurnar eru að fara í gang upp úr áramótum. Þegar hefur spurningalista EB verið svarað. 

Það er því magnað þegar stjórnarþingmenn tala gegn EB. Málið er í farvegi aðildarviðræðna. Niðurstaða þeirra verður síðan borin undir atkvæði þjóðarinnar, áður en formleg innganga í EB gerist.

Inngangan er samþykkt af Alþingi. Málið er í samningaferli. Þjóðin velur síðan um niðurstöðuna.

[Haraldur Hansson, 27.11.2009 kl. 17:27]

Alþingi samþykkti, en ekki með lýðræðislegum hætti. Það er meinið. Pólitískum þvingunum var beitt á þingi, sem á ekki að viðgangast í svona stóru máli og helst aldrei.

Utanríkismálanefnd samþykkti að samráð skyldi haft við samninganefndina og undirnefndir hennar við að svara ESB spurningunum. Utanríkisráðherra var svo mikið að flýta sér að hann sendi öll svörin áður en nefndin var skipuð.

Jú, málið er í farvegi. En það er ekki nóg þegar farvegurinn er mótaður eins og raun ber vitni.

Þetta er risavaxið mál sem hefur áhrif á íslenskt þjóðfélag um langan tíma. Margar næstu kynslóðir, jafnvel í aldir. Þá verða menn að viðhafa fagleg vinnubrögð og vandaða stjórnsýslu. Það hefur ekki verið gert.