Flótti frá lausn?

Við hvað er fólk hrætt? Hvers vegna er verið að reyna að draga málið um aðildarviðræður við ESB út í ógöngur með því að tala um tvöfalda atkvæðagreiðslu?

Hver er tilgangurinn með því að boða til þjóðaratkvæðagreiðslu um það hvort fara eigi í viðræður við ESB? Um hvað á að kjósa? hvernig á að kynna það sem á að kjósa um? Hverjir ætla að kynna og hvernig?

Ónýtur gjaldmiðill

Maður er meira að segja farinn að sjá fólk tala eða skrifa um ágæti þess að halda í gjaldmiðilin íslensku krónuna. Handónýtan gjaldmiðil sem hefur fært okkur milið böl og illt.

Hvaða böl? Í fyrsta lagi óðaverðbólgu sem engin tök virðast hafa verið að hafa nokkra stjórn á. Þá er ég ekki að tala um síðasta ár, heldur áratugi aftur í tímann. Í annann stað. Krónan hefur sveiflast upp og niður á gjaldeyrismörkuðum. Úr hæstu hæðum niður í dýpstu lægðir. Í þriðja og ekki sísta lagi er það ástand sem við erum að upplifa núna ekki síst því að kenna að haldið var í krónuna Grettistaki og ekki mátti minnast á annann gjaldmiðil. Ef við hefðum verið aðilar að öðrum gjaldmiðli, tölum um Evru hefðum við verið aðilar að Evrópska myntbandalaginu og seðlabankanum. Það hefði mjög líklega komið í veg fyrir taumlaust sukk sem menn komust upp með þegar Seðlabanki Íslands og Fjármálaeftirlitið brugðust gersamlega.

Þjóðn hefur úrslitavald

Hvað hræðast menn að gerist ef farið verður út í aðildarviðræður? Það er eða á öllum að vera ljóst að sá samningur sem gerður verður fer í atkvæðagreiðslu þjóðarinnar. Þá hefur hún úrslitavald yfir gjörningnum. Við sjáum ekki hverju við náum fyrr en gengið verður til samningsborðsins.

Það er sennilega draumur þeirra sem vilja atkvæðagreiðslu um það hvort ganga eigi til viðræðna að þjóðin samþykki það að ganga til viðræðna með litlum meirihluta. Tja kanski 51-52%. Þá hafa Ískendingar mjög slæma samningsstöðu. Við munum reyna að semja við ESB með nauman meirihluta þjóðarinnar að baki.

Ég er sannfærður um að rétta leiðin sé að fara í viðræður við ESB. Gera samning sem síðan verður borin undir þjóðaratkvæði. Málefnaleg og rétt leið fyrir framtíð þjóðarinnar. 

Athugasemdir

[hann (IP-tala skráð) 15.4.2009 kl. 22:35]

Nú ertu á réttri braut NH.  Mun betri en í morgun.