Flutningar afurðanna eru framundan.

Nú á að setja kraft í flutning sauðfjár undan Eyjafjöllunum og úr Mýrdalnum á svæði í Skaftárhreppi til öruggara viðurværis. Með þessum flutningum fara þeir fram innan hættusvæðis og varnarlína og á því að vera hægt að flytja rollurnar aftur heim.

En hvað gerist ef svoleiðis fer að öskufall verður á þessu svæði sem flytja á rollur með lömbum á? Mér þykir ekki sennilegt að það sé hægt að koma fénu á hús á þeim stað sem á að flytja það á. Það þýðir að flytja verður sauðféð annað. Þá er ekkert annað í boði en að flytja féð yfir varnarlínu. 

Það þykir mér vera betri kostur að flytja féð strax þangað sem það getur lifað af sumarið og lömbin vaxið upp í sláturstærð. 

Þá erum við að tala um að flytja féð vestur fyrir varnarlínuna sem er við Markarfljót. Jón ráðherra frá Hólum talar um möguleika á því að flytja féð aftur heim. Margir kostir eru í boði áður en farið verður að brjótast yfir varnarlínurnar.

Varnarlínurnar eru merktar með svörtum línum. Eyjafjöllin, Mýrdalurinn og Skaftárhreppur eru innan lína sem markast af Sandgígukvísl á Skeiðarársandi í austri og Markarfljóti í vestri.

Þetta eru líka helstu öskufallssvæðin vegna eldgoss í Eyjafjallajökli.