25.2.2009 | 23:17

Nú er hann farinn, bráðum.

Þá er orðið líklegt að Seðlabankafrumvarpið verði samþykkt á morgun. Nánast engar líkur til annars.

Það hlýtur að vera dapurt fyrir Davíð Oddsson að ljúka starfsferli sínum hjá hinu opinbera með þessum hætti. Brottrekinn með skömm. En þetta er eðlilegt miðað við ferilinn. Borgin var í rúst skuldir hlóðust upp og stjórnkerfið var í molum meðan sjálfstæðismenn ríktu undir stjórn Davíðs Oddssonar. Davíð hætti sem forsætisráðherra. Hvernig var komið fyrir landi og þjóð? Bankadrengirnir og stelpurnar í taumlausu sukki með fjármuni. Líkt og beljur að vori. Eftirlits og skuldbindingalaust. Sjálfstæðismenn höfðu gert fiskinn í sjónum umhverfis landið að gjaldmiðli kaupahéðna. Kvóti var keyptur og seldur, veðsettur og fluttur frá byggðalögum. Aðferðin var eins og hjartað hefði verið numið brott en samt átti líkaminn að standa og ganga. Nú síðast var Davíð Oddsson í Seðlabankanum, þar er hann að fara að pakka í púlt sitt og ganga út í síðasta sinnið. Fjármál landsins í rúst og álit þjóða gagnvart okkur Íslendingum er rúið öllu trausti.

Já Davíð Oddsson er að kveðja embættisferil sinn. Hann getur litið stoltur yfir hann og hugsað: Þetta gerði ég. Þess verður lengi minnst hvað ég gerði. Rústaði samfélaginu.