Verkalýðshreyfingin vinni í verðbótasukkinu.

Hvað ætlar verkalýðshreyfingin að gera fram yfir frestun? Undirbúa næstu frestun? Hver eru þau verkefni sem stéttarfélög á Íslandi telja mest krefjandi fyrir félagsmenn? Fyrst að kjarabarátta hefur verið lögð á hilluna? Í bili eru næg verkefni sem hægt er og er löngu tímabært að snúa sér að.

Það hefði strax í haust átt að setja mikinn kraft launþegahreyfingarinnar í að fylgjast með þeirri öldu uppsagna sem hefur dunið yfir. Var rétt staðið að þeim? Gjörningurinn og uppsagnafresturinn. Ég veit um uppsagnir sem voru gerðar í gegn um GSM síma, jafnvel SMS. "Þú átt ekki að mæta eftir helgi" Bubbi söng eitt sinn "Það er ekki fiskur í dag þið getið farið heim og slappað af". Þessi leið sem sungið var um fyrir kauptryggingu fiskvinnslufólks var því miður oft farin í haust og vetur.

Verkalýðshreyfingin verður að gera átak í að vera sýnilegri. Efla og láta standa við kosningu trúnaðarmanna á vinnustöðum.

Það sem mér finnst að eigi að vera stóra málið hjá launþegahreyfingunni nú þegar launabaráttan er á frosti. Er afnám verðbóta verðtryggingar á lánum okkar. Verðtryggingin er þjóðarskömm og hneisa. Hvaða réttlæti er í því að verðbætur leggist á afborganir lánana okkar og að eftirstöðvar þeirra séu reiknaðar upp með verðótum. Hvar annars staðar er þetta svona? Í nágrannalöndum okkar  eru vextir á húsnæðislánum. Vextir sem í dag eru á svipuðum nótum og vextirnir eru af íbúðarlánum okkar. En þar er ekki verðtrygging á lánunum. Verðtrygging sem að í dag þýðir að á Íslenskum íbúðalánum með 5% vexti eru verðbætur sem keyra lánin með vöxtum og verðbótum alla vega í 25%.Í nágrannalöndum okkar sjá greiðendur lánana þau lækka við hverja afborgu, ekki stöðuga hækkun eftirstöðva eins og á Íslandi

Það hefur oft verið skrifað þar á meðal ég um margföldun upphæðarinnar sem við tökum að láni þar til að síðasta gjalddaga kemur. Væri fólk sátt ef verðbæturnar hétu skattar? Með afnámi eignaskatta töldu menn sig vera að gera breytingu til bóta. Verðtryggingin á lánin okkar sem er hærri eftir því sem eftirstöðvarnar eru meiri er ekkert annað en skuldaskattur. Neikvæður eignaskattur. Þeir sem eiga minnst í húsnæði sínu og skulda mest. Borga hæstu upphæðirnar. 

Afnám verðbóta á lánin okkar á að vera helsta baráttumál verkalýðshreyfingarinnar fram að því að þiðna fer um kjarabæturnar okkar sem hafa nú verið djúpfrystar.

Frestun samþykkt

Athugasemdir

[Þórður B. Sigurðsson (IP-tala skráð) 16.2.2009 kl. 22:21]

 H A G S M U N A S A M T Ö K   H E I M I L A N N A - Tillögur um bráðaaðgerðir vegna efnahagskreppunnar - Eftirtaldar aðgerðir eru byggðar á hugmyndum Hagsmunasamtaka heimilanna um:

• Almennar aðgerðir og leiðréttingu gengis- og verðtryggðra lána
• Afnám verðtryggingar
• Að áhætta milli lánveitenda og lántakenda skuli jöfnuð
• Að veð takmarkist við þá eign sem sett er að veði
• Samfélagslega ábyrgð lánveitenda

 Aðgerð #1:      Tafarlaus tímabundin stöðvun fjárnáma og nauðungaruppboða heimila  Lýsing:              Að lög verði sett sem komi tímabundið í veg fyrir fjárnám og nauðungaruppboð íbúðarhúsnæðis til 1. nóvember 2009 á meðan unnið er í að útfæra aðrar aðgerðir fyrir heimilin í landinu. Útfærsla:           Sjá tillögu til breytinga á lögum um aðför frá Ólafi Garðarssyni. Aðgerð #2:      Leiðrétting á gengistryggðum íbúðalánum (framkvæmt samtímis aðgerð #3)Lýsing:              Gengistryggðum íbúðalánum verði breytt í verðtryggð krónulán.Útfærsla:           Boðið verði upp á að gengistryggð íbúðalán verði umreiknuð sem verðtryggð krónulán frá lántökudegi einstakra lána.  Aðgerð #3:      Leiðrétting á verðtryggðum íbúðarlánum (framkvæmt samtímis aðgerð #2)Lýsing:              Verðbótaþáttur íbúðalána verði endurskoðaður frá og með 1. janúar 2008.Útfærsla:           Verðbótaþáttur, frá og með 1. Janúar 2008, takmarkist við efri mörk verðbólgumarkmiðs Seðlabanka Íslands, eða að hámarki 4%.  Aðgerð þessi er fyrsta skrefið í afnámi verðtryggingar.  Aðgerð #4:      Frumvarp til laga um greiðsluaðlögun og framkvæmd þeirraLýsing:              Að Alþingi samþykki lög um greiðsluaðlögun sem feli í sér að einstaklingar sem ekki ráði lengur við greiðslur af sínum lánum, þrátt fyrir aðgerðir #2 og #3, eigi kost á  að sækja um greiðsluaðlögun þar sem greiðslugeta viðkomandi er metin og viðeigandi ráðstafanir gerðar út frá greiðslugetu og greiðsluáætlunum.Útfærsla:           Nánari útfærsla til umræðu. Ávinningur af aðgerðum þessum:

• Fjöldagjaldþrotum heimilanna og stórfelldum landflótta afstýrt
• Stuðlað gegn frekari hruni efnahagskerfisins
• Jákvæð áhrif á stærðar- og rekstrarhagkvæmni þjóðarbúsins
• Líkur aukast á að hjól atvinnulífsins og hagkerfisins haldi áfram að snúast þar sem fólk mun hafa ráðstöfunartekjur til annarra útgjalda en afborgana af íbúðum
• Þjóðarsátt um vanda heimilanna vegna efnahagskreppunnar
• Traust almennings í garð stjórnvalda og fjármálastofnanna eflist á ný

 

Kynnt á opnum fundi Hagsmunasamtaka heimilanna 12. febrúar 2009

www.heimilin.is

[Þórður B. Sigurðsson (IP-tala skráð) 16.2.2009 kl. 22:24]

Uss, þetta var nú meira klámið... fyririgefið copy paste og stóra fonta...

Prófið að skoða linkinn í staðinn:

http://www.heimilin.is/varnarthing/index.php?option=com_content&view=article&id=92:tilloegur-um-braeaaegereir-vegna-efnahagskreppunnar&catid=35:samtykktir-ofl&Itemid=69