Kvekið á eyrunum í málflutningi Steingríms.

Það hefði verið áhugavert að sjá hvernig Steingrímur J hefði brugðist við ástandinu í dag.

Hefði hann brugðist við í vor?

Hefði hann og hans flokkur gert einhvað í málum þjóðarinnar? Flokkur sem er skipaður þingmönnum sem tala og tala og segja ekki neitt.

Hugsið ykkur hörmungarnar sem mundu dynja yfir þjóðina ef VG færi inn í ríkisstjórn. Miðað við málflutning flokksins yrði það verra en frostavetrar, móðuharðindi og svarti dauði.

Steingrímur J: „Dæmigert fyrir ríkisstjórn í upplausn“

Athugasemdir

[Júlíana (IP-tala skráð) 25.1.2009 kl. 13:28]

Ég hef oft velt því sama fyrir mér og stórefast ég um að Steingrímur hefði getað staðið sig betur. 100 dagar eru nú ekki langur tími og þó sumt hefði getað farið betur, hefði margt annað getað farið verr ef Geir og stjórn hefðu ekki reynt sitt besta.

Steingrímur er maður sem gerir lítið annað en að kvarta og kveina. Það hjálpar okkur ekki neitt. Ég er dauðhrædd um að ef VG komist til valda þá versni ástandið mikið :(

[Njörður Helgason, 25.1.2009 kl. 13:40]

@ Júlíana. Ójá

[Páll Kristjánsson (IP-tala skráð) 25.1.2009 kl. 15:21]

Ef eftirfarandi hefði komist í gegn á Alþingi snemma árs 2005 hefðu vandamál dagsins í dag verið brot af því umfangi sem nú er.

“(5. mál á 132. löggjafarþingi, þskj. 5.)

Með hliðsjón af mikilvægi þess að:
a. verðbólga náist sem fyrst niður fyrir viðmiðunarmörk Seðlabankans,
b. stöðugleiki haldist á vinnumarkaði og kaupmáttur launa verði varðveittur,
c. sjálfbær þróun verði leiðarljós í orku- og atvinnumálum og þróun þjóðlífsins almennt,
d. tryggja útflutnings- og samkeppnisgreinum viðunandi starfsskilyrði,
e. bæta skilyrði til nýsköpunar í atvinnulífinu og til uppbyggingar sprotafyrirtækja,
f. draga úr viðskiptahalla og erlendri skuldasöfnun,
g. viðhalda stöðugleika í fjármálakerfinu og halda aftur af skuldasöfnun heimilanna,
h. jafnvægi náist á nýjan leik í þjóðarbúskapnum almennt,
ályktar Alþingi að fela ríkisstjórninni að grípa til eftirfarandi aðgerða:
1. Gefa út formlega yfirlýsingu um að hvorki verði af hálfu opinberra aðila stuðlað að né veitt leyfi fyrir frekari stórvirkjunum né uppbyggingu meiri orkufrekrar stóriðju en þegar er í byggingu, a.m.k. til ársloka 2012. Áhersla verði þess í stað lögð á fjölbreytta smáa og meðalstóra iðnaðarkosti af viðráðanlegri stærð fyrir hagkerfið og aðstæður viðkomandi byggðarlaga.
2. Beina þeim tilmælum til Fjármálaeftirlitsins að hugað verði vandlega að áhættumati í bankakerfinu, svo sem hvað varðar áhrif af snöggri gengislækkun krónunnar eða lækkun fasteignaverðs. Markmiðið verði að hraður vöxtur útlána að undanförnu skapi ekki hættu fyrir efnahagslífið og farið verði yfir eiginfjárlágmörk og áhættugrunn fjármálastofnana í því ljósi.
3. Beina þeim tilmælum til Seðlabanka Íslands að íhuga vandlega að beita aukinni bindiskyldu hjá innlánsstofnunum, a.m.k. tímabundið, til að draga úr þenslu á peningamarkaði og huga að öðrum aðgerðum sem stutt geta viðleitni stjórnvalda til að endurheimta efnahagslegan stöðugleika, sbr. 2. mgr. 3. gr. laga um Seðlabanka Íslands, nr. 36/2001.
4. Yfirfara aðferðir við mælingar á þróun verðlags og athuga sérstaklega hvernig vænlegast sé að meta húsnæðiskostnað í vísitölu neysluverðs.
5. Tryggja aðhald í ríkisfjármálum og slá á þenslu með því að leggja fyrir Alþingi nú í haust árið 2005 tillögur um að falla frá eða fresta eftir atvikum a.m.k. hluta þeirra almennu skattalækkana sem lögfestar voru fram í tímann í desember 2004. Í staðinn komi aðgerðir til að bæta stöðu tekjulægstu hópa samfélagsins og barnafjölskyldna.
6. Efna til víðtæks samstarfs við aðila vinnumarkaðarins, samtök bænda, neytenda, öryrkja, og aldraðra, og aðra þá aðila sem efni standa til um aðgerðir þessar og þátttöku í að tryggja á nýjan leik efnahagslegan og félagslegan stöðugleika. “

 Menn verða aðeins að fara að leggja saman 2 + 2 og fá út 4.

[Páll Kristjánsson (IP-tala skráð) 25.1.2009 kl. 18:30]

Gleymdi nú að taka fram að það var VG sem lagði fram það sem ég ritaði hér áður.

[hann (IP-tala skráð) 25.1.2009 kl. 21:21]

Man eingin ráðherratíð Steingríms Þegar Framsóknarflokkurinn gleypti hann

Þá var hann ungur og frískur. Nú er hann gamall og lúinn hefur eina tillögu skila lánunum

Hver treystir sér til að starf með Ögmundi einvaldi í stæðstu launþegahreyfingu kvenna

og hleypir aldrei konu að bara situr og situr.

Árni Þór uppá snúinn þekkið þið hann. Álfheiður á hún tæra fortíð og nútíð eða Kolbrún

Nei þau eru uppásnúinn lúinn og búinn. Tillögurnar þeirra koma okkur aftur í kolsvart afturhald. íhald.

Kvað haldið þið að þau gætu í minnihlutastjórn studda vantrausti af Sjálfstæðisflokki og Samfylkingu, þau gætu aldrei samið um neitt þyrftu að samþykkja tillögur stuðningsflokkana, teljandi sér trú um að þau hefðu völd, þau eru valdagráðug eins og lýsir sér í þeirra fortíð. Hugmyndasnauð eins og nútíminn sýnir.

Ég skil ekki það unga velmenntaða fólk sem er í Vg og sér ekki í gegnum þau

Katrín Jakobsdóttir þarf að losa sig við þau þá gæti framtíðin verið björt.

[Njörður (IP-tala skráð) 25.1.2009 kl. 22:03]

@ hann. Þetta er almennilegt Allt hverju orði sannara!