Skuldir almennings á að lækka. Ekki skuldir kvótakónga.

Johnsen þingmaður Sunnlendinga sagði í viðtali á Bylgjunni í dag að líklega og sennilega þurfi að afskrifa skuldir sjávarútvegsfyrirtækja.

Bíðið. Fyrirtækjanna sem fengu gullegg þjóðarinnar gefins á silfurfati. Þau eiga nú að fá skuldir sínar afmáðar svo þau geti áfram leikið sér með sjóði þjóðarinnar og fiskinn sem við eigum víst í sjónum.

Held að ef Johnsen þingmaður vill gera þjóðinni greiða þá eigi hann að snúa sér að skuldum heimilana í landinu. Það fyrsta sem hann getur gert er að taka upp aftur þingmál Eggerts Haukdal flokksbróður hans til forna og krefjast afnáms verðtryggingar á lánin okkar.

Ef Johnsen þingmaður vill að afnumdar verði einhverjar skuldir hér á landi á. Þá á hann að snúa sér að skuldum heimilanna. Lækka og afnema skuldir sem hafa hækkað vegna verðbóta og annars kostnaðar sem ríkið hefur lagt á okkur. Hvers vegna þurfum við að greiða margföld stimpil og þinglýsingargjöld.

Johnsen. Fram fyrir fólkið í landinu. Ekki tilbera sjávarútvegsins sem hafa mergsogið þjóðina.