Nú höfum við val.

Já. Blásið í lúðra. Berjið í bumbur. Gargið svo raddirnar bresti! En spáið þið í kostina.

Þetta er gott. Nú hafa landsmenn val. Byggja 45 mv. virkjun á hálendinu með þó nokkuð stóru lóni. eða að nýta miðlunina og gera virkjanir í neðri hluta þjórsár með afar litlum umhverfisspjöllum.

Þarna er um að ræða að gera þessa virkjun, sem verður minnsta virkjunin á Þjórsár-Tungnársvæðinu. 45 mv og 30-40 ferkílómetra stóru lóni á viðkvæmu svæð.i Eða að gera helmingi stærri virkjun við Urriðafoss með 5-7 ferkílómetra stóru lóni.

Við viljum flest halda áfram uppbyggingu og stuðla að tryggri atvinnu fyrir alla.

Við verðum að nota það sem landið gefur. Þar á meðal eru fallvötnin. En notum þau rétt.

Ný virkjun í undirbúningi

Athugasemdir

[Gullvagninn (IP-tala skráð) 4.9.2008 kl. 21:47]

það eru auðvitað fleiri kostir, t.d. sleppa þessu og spara ríkisútgjöld, t.d. í hernaðar og sendiráðamálum.  auk þess, ef við látum virkja neðri þjórsá "af því það er skárri kostur" - þá verður hitt bara næst, ekki satt?

annars er ég ekki á móti virkjunum, bara á móti því að gefa erlendum auðhringjum orku, meðan við borgum sjálf okurtaxta

[Njörður Helgason, 4.9.2008 kl. 22:06]

Þetta eru miðin okkar í dag. það sem er að verða sífellt stærri hluti af heildar tekjum okkar. Það verður samt að tryggja það að hækkandi orkuverð í heiminum skili sér í hækkandi verði á raforku.

Svo þreytist ég seint á því að benda á kosti Íslenskra virkjana, knúðum með gufu og straumvatni frekar en virkjunum knúðum með kolum og olíu

[Guðjón Sigþór Jensson, 4.9.2008 kl. 23:36]

Mosa þykir rétt að benda á, að virkjun þessi með öllu því brambolti sem fylgir, nær ekki einu sinni afköstum einnar túrbínu Sigölduvirkjunar.

Það er því fyllsta ástæða að efast um nytsemi þessarar framkvæmdar.

Mosi

[NH (IP-tala skráð) 5.9.2008 kl. 07:18]

Þessar virkjunarhugmyndir eru bara skiptimynt.

[bali, 6.9.2008 kl. 11:48]

Ég er að mestu sammála þér Njörður. Falleg fjallalón á svörtum söndum sem mala okkur gul í peningum og umhverfi. Gufustrókar jarðhitavirkjana eru líka fallegir á lygnum haustkvöldum verði þeir ekki svo margir á litlu svæði að úr verði þoka með efnamengun. Í þeim virkjunum fer líka mesti  hluti orkunnar út í loftið.

Hellisheiðin er að verða útboruð og að tínast í útblæstri. Er ekki hægt að bora við Hafnafjörð svo þú komist í tæri við meiri brennistein en Straumsvík ?

 

[Njörður Helgason, 7.9.2008 kl. 00:31]

Hafnarfjörðurinn er úrvinnslustaður. Hellisheiðin og þjórsá eru námurnar sem við leitum í eftir hráefni fyrir okkar góðu vörur. Nú síðast er Kaldárselið orðin okkar náma