Lækkun hámarkshraða ekki rétta leiðin.

Ólafur Helgi Kjartansson leggur það til á slysstað í Ölfusinu í dag að hámarkshraði verði lækkaður í 70 km.

Þetta heldur ágætur Ólafur Helgiað komi til með að fækka slysum. Ég er ekki trúaður á það. Flest slys verða þegar bílar, bílstjórar eru að aka á hraða sem ekki er í samræmi við umferðarhraðan á veginum. Ökumenn missa stjórn eða lenda í óhappi í framúrakstri.

Það er ég viss um að lægri hámarkshraði þýði eingöngu fjölgun á framúrakstri. Ef hámarkshraðin á þjóðvegi 1 á að verða orðin sá sami og á Miklubrautinni, þýðir það aðeins að umferðarmenningin á þjóðveginum verður eins og á Miklubrautunni, Reykjanesbrautinni og öðrum stofnæðum á höfuðborgarsvæðinu.

Þetta þýðir aðeins eitt. Til að auka öryggi vegfarenda verður að hafa fleiri akreinar. Tvíbreiður vegur á stofnæðum með jafnmikla umferð og vegurinn austur yfir fjall er lausnin sem nota þarf til að auka öryggi vegfarenda og fækka slysum, stórlega.

Athugasemdir

[Eiríkur Harðarson, 11.8.2008 kl. 23:31]

Hámarkshraðalækkun algert rugl.

[Njörður (IP-tala skráð) 11.8.2008 kl. 23:54]

Já Eiríkur ég er sannfærður um að slíkt geti virkað aukandi fyrir slysatíðni.

Selfosslöggan getur frekar stundað mælingar og verið sýnilegri í öðru en sírennuakstri.

[Sigurður Hjálmarsson (IP-tala skráð) 13.8.2008 kl. 22:50]

Sæll Njörður. Ég held það vinnist ekkert með því að lækka hámarkshraðann. Lækkaður hámarkshraði og hringtorg gerir alla pirraða. Ég vil meina að það vanti þarna aðreinar fyrir þá sem ætla að beygja til vinstri.

[Marinó Már Marinósson, 14.8.2008 kl. 16:00]

Mikið til í þessu Njörður en ég held að það mætti fara milliveginn og lækka hraðann kannski niður í 80 km en ég tek undir að ef hraðinn er oðinn of lítill þá er freistandi að aka fram úr.

Aðalmálið er að mínu mati er að það ætti að banna framúrakstur á þessum kafla milli Selfoss og Hveragerðis á meðan að það er ekki búið að breyta veginum í 4 akreinar með undirgöngum fyrir alla þvervegi. 

Það þarf að útbúa strax frá- og aðreinar á þeim vegamótum sem eru á þessum kafla og hafa svæðið upplýst. 

[Njörður (IP-tala skráð) 19.8.2008 kl. 22:59]

Já Siggi ég er með nokkra reynslu af hringtorgum. Hingað heim til mín á Völlunum af Reykjanesbrautinni eru 7. Sjö hringtorg. Í persónulegu sparakstursátaki sem sparar mér um 20% í bensíneyðslu eru aðrir ökumenn oft komnir í skottið hjá mér á löglegum hraða.

Ég finn vel munin á því að fylgja hámarkshraðanum. Frekar en sífelldar inngjafir. Það sparar eldsneyti og umferðarhraðinn ætti að jafnast. En margir eru ekki á þessum nótum sperrast áfram. Drífa sig milli ljósa og eru ævinlega við hlið manns. Svona verður umferðin ef hraðinn út á vegum verður lækkaður í 70.

Nei ágætu félagar ég held að best sé að halda sig við 90 og berjast við að halda umferðinni á þeim hraða.