Aðgangseyrir á vinsæla staði.

Það er á margan hátt merkileg umræða sem aðgangseyrir að nátturu Íslands er að fara í þessa dagana. Upphaf málsins þessa dagana má rekja til framgangs eigenda Kersins í Grímsnesi. Þeir vilja einmitt fá aðgangseyri frá fólkinu sem að Kerinu kemur.

Nokkuð merkileg samskipti hafa heyrst á ljósvakamiðlum um málið. Athyglivert hvað menn bera á borð til að rökstyðja stuðning sinn við innheimtu aðgangsgjalda.

Heyrði á rásinni í kvöld að Gísli Marteinn kom með skilning sinn sem er ekki ólíkur skilningi margra flokksystkyna hanns. Gísli taldi það mjög eðlilegt að innheimta aðgang. Það væri gert víða þar sem fólk kæmi til að skoða og sjá. Gísli nefndi skemmtigarða og dýragarða máli sínu til stuðnings.

En fyrir hvað er borgað í dýragörðum og skemmtigörðum?. Þjónustu, örygi og skipulagða sýningu.

Ef á að samþykkja innheimtu aðgangseyris að ákveðnum, vinsælum stöðum á Íslandi verða menn að gera sér grein fyrir nokkrum hlutum. Öryggi, þjónustu, þekkingu starfsmanna, ábyrgð þess sem innheimtir aðgang og ekki síst mikið starfmannahald.

Tökum dæmi stað þar sem innheimt er. Nefnum Dyrhólaey eða annan svipaðan stað. Látrabjarg og fleiri.

Innheimt er á staðinn. Margar hættur eru. svæðin eru stór. ekki hægt að fylgjast með úr varðturni eins og í sundlaug. Hægt er að reyna að gera sér í hugarlund hvað þarf marga starfmenn til að. Innheimta, vísa leiðirnar gæta að hættum svo að fólk fari sér ekki að voða. Starfmannafjöldinn er svo mikill að kostnaðurinn er gríðarlegur. Svo mikill að ekki er möguleiki að aðgangseyrir standi nokkurn tíma undir honum. Hver á þá að borga?

Ekki reikna ég með að Gísli Marteinn og aðrir Sjálfstæðismenn leggi það til að hið opinbera komi til hjálpar.

Athugasemdir

[Marinó Már Marinósson, 20.7.2008 kl. 19:47]

Sæll félagi

Kannaki má setja spurningamerki við afhverju perlur landsins skuli vera í eigu einkaaðila sem geta síðan stjórnað aðgengi að þeim eftir geðþótta.  Hvað ef Gullfoss yrði nú seldur einkaaðila sem myndi síðan selja aðgang að fossinum?       Kannski kemur að því að við náum að selja norðurljósin?   

[NH (IP-tala skráð) 20.7.2008 kl. 20:51]

Það er öllum ljóst að ef einhverjir vilja fara að selja inn á vinsæla staði verður að manna staðina í gæslu inngangseyri og öryggisþjónustu.

Hverjir standa undir því?