Fórnum Þjórsá.

Ég held að fyrir allmörgum árum hafi verið ákveðið að Þjórsá verði nýtt frá fjalli til fjöru til raforku framleiðslu.

Með réttu má segja að upphaf málsins hafi verið við samningagerð Títanfélagsins. Í dag má tæplega nefna nokkurn möguleika til virkjunar án þess að svokallaðir náttúruverndarsinnar rjúki upp með andfælum til að mótmæla. Til hvers? Er ekki rétt að við framleiðum orkuna með þeim hætti sem gert er hér á landi á, frekar en að stuðla að því að þjóðir framleiði rafmagn til ál- og annars iðnaðar með brennslu kola og olíu. Með þeirri framleiðslu menga þjóðir þær lönd sín. Nágrenni og allann heim.

Er ekki viturlegra að stuðla að minni mengun á jörð með því að framleiða vistvæna orku úr fallvötnum og með jarðgufu heldur en að stuðla að aukinni mengun með því að mótmæla og stöðva framkvæmdirnar.

Hverju er líka verið að fórna? Óræktarflákum og eyjum sem áin er hvort eð er að grafa svo úr að innan nokkura alda verða þær horfnar.

VG: Vilja bjarga Þjórsá

Athugasemdir

[Ævar Rafn Kjartansson, 25.6.2008 kl. 23:01]

Þessi heimska sem þú ritar hér tröllríður öllu. Kínverjar opna 2 ný kolakúin raforkuver í hverri viku og það að halda það að gera Þjórsá að læk breyti einhverju um gang mála á alþjóðlegum grundvelli er svona eins og þegar utanríkisráðherra heldur að hérlendar sviða- og hvalspiksætur eigi raunhæfan möguleika á að stilla til friðar milli ísraela og Palestínumanna.

Óendurunnið ál Bandaríkjanna sem vilja ekki endurvinnslu dósa nægir í fimmfaldan þann flugflota sem smíðaður er árlega.  Svona mætti lengi telja. Náttúruverndarsinnar hafa það til síns máls og á eftir að sannast að hrein náttúra, hreint loft og hreint vatn verða mestu auðlindir framtíðarinnar. Og þá verður dýrt að hafa selt þetta á spottprís.

[Númi (IP-tala skráð) 25.6.2008 kl. 23:27]

Sammála ritara no 1.(Ævari)

[Ásdís Thoroddsen (IP-tala skráð) 25.6.2008 kl. 23:40]

Þakka þér fyrir innleggið Ævar Rafn, mér finnst grátlegt að taka af Urriðafoss fyrir neysluæði og slappa krónu.

[NH (IP-tala skráð) 26.6.2008 kl. 07:51]

Hvað hadið þið að Þjórsá verði lækur. Bull. Vatnið þarf að komast til sjávar. Þó að það fari hring um túrbínur breytir þsð litlu. Umhverfi er globalt. Þyðir ekki að loka augum fyrir Kínamannaorkuverum. Allt sem við gerum skiftir máli!