Lítilsvirðing

Það er með ólíkindum hvað fólk er að sýna samborgurum sínum mikla lítilsvirðingu með ofsaakstri um götur og þjóðvegi landsins.

Á meðan fjöldi fólks berst fyrir bættum vegum, fara aðrir og keyra eins og bavíanar um þá og leggja líf annara í stórhættu með framferðinu. Að ekki sé talað um þeirra eigin líf. Sem ekki virðast vera þeim mikils virði sem keyra á þessum hraða og almennt þegar fólk keyrir langt yfir hraðatakmörkunum.

Lögreglan á Selfossi stöðvaði tvo ökumenn á 134 km hraða

Athugasemdir

[Þórhildur (IP-tala skráð) 12.4.2008 kl. 21:34]

Ég var að koma að austan um kvöldmatarleytið og einmitt á leiðinni milli Selfoss og Hveragerðis munaði minnstu að yrði stórslys. Á undan okkur var bíll sem gaf stefnuljós inn á veg til vinstri og í sama mund ætlar þessi líka rosalegi jeppi/pallbíll að taka fram úr okkar bíl og þeim á undan okkur. Þarna voru sem sagt gatnamót og framúrakstur bannaður. Þessi ætlaði nú greinilega ekki að láta það stoppa sig en stefndi á þann sem var að fara að beygja. Sem betur fer slapp þetta fyrir horn og fautinn náði að hægja á sér í tæka tíð en datt samt ekki til hugar að fara aftur fyrir okkur og inn á rétta akrein heldur lullaði hann á röngum vegarhelmingi við hliðina á okkur þangað til sá sem var að beygja var ekki lengur í vegi fyrir honum. Svo sáum við bara í skottið á honum þangað til kom að Hveragerði en þar náðum við honum aftur þar sem hann hafði greinilega ekki getað tekið fram úr öðrum sem í vegi hans voru, vegna umferðar á móti. Maður verður svo reiður þegar svona gerist og ég hefði nú viljað að hann lenti í höndunum á lögreglunni þessi enda var fartin á honum gríðarleg.

[Njörður Helgason, 12.4.2008 kl. 22:38]

Já þetta er ljótt að lesa.

Því miður oft sem svona svífyrðingar við samferðafólk eiga sér stað á þessari leið. Oft sem maður hefur lennt í að þurfa að negla niður til að hleypa inn á hægri akreinina bílstjórafautum sem hafa verið að frekjast framúr í mikilli umferð og ég held að reikni með eða ætlist til að þeim sé hleypt inn á hægri akreinina þegar bílar á móti eru komnir það nálægt að þeir komast ekki framfyrir alla bílana sem þeir eru að fantast framúr.