Iðnnámið skilar sér fljótt til nemendanna.

Of fáir nemendur fara í iðnnám eftir grunnskólann, ekki síst vegna þess hve mikil áhersla er á að nemendur taki stúdentspróf og fari síðan í háskólanám og verði þar á meðal hluti af atvinnulausu fólki á vinnumarkaðinum.

Til að Íslenskur vinnumarkaður geti staðið undir því að hafa menntað fólk í sínum röðum er mikilvægt að efla og hvetja nemendurna til þess að læra iðnmenntun. Það er illt að greinar sem eru nú í uppbyggingu á Íslandi eins og ferðaþjónusta, þjónusta, matreiðsla og landvarsla fái ekki til sín fólk með menntun.

Þetta minnir á bóluárin þegar mjög fáir starfsmenn og konur fengust í byggingagreinarnar, vegna þess að nemendurnir voru hvattir til bóknáms frekar en iðnnáms. Af því eru menn að súpa seyðið í dag af göllum sem eru mest að kenna óskaplega miklum flýti við uppbyggingarnar og lítið eftirlit þeirra sem áttu að fylgjast með verkinu.

Það verður að efla iðnnámið á landinu. Iðnnemar komast fljótt í launaða vinnu, launin á samningstíma nemanna eru greidd og þegar náminu lýkur eftir fjögur ár er viðkomandi með réttindi sem veitir vinnu við faggreinina um allt landið! 

Lítil þörf fyrir hópa menntafólks

Athugasemdir

[Sindri Karl Sigurðsson, 11.4.2015 kl. 15:03]

Sæll Njörður.

Ég reiknaði það út á sínum tíma hve miklu ég tapaði á því að fara í háskólanám og það voru stórar fjárhæðir. Ég mun þó aldrei sjá á eftir þeim peningum, enda í ágætis vinnu, þó ég muni trúlega aldrei ná upp í fórnarkostnaðinn.

Ef þeir sem fara í iðnnám taka stúdentspróf í leiðinni eru þeim allir vegir færir í framhaldsnámi. Mín upplifun er sú að þeir sem hafa unnið við sitt fag og mennta sig meira (t.d. rafvirki sem fer í rafmagnsverkfræði eftir einhver ár í vinnu við fagið), geti skilað verulegum ágóða til samfélagsins.

Mitt mat er að iðnmenntun skili mun hæfari hópum í framhaldsnám. Grunnurinn að því mati mínu er iðnnámið og vinnan sem er tengd því. Hún skilar sér í mun dýpri og betri skilningi á þeim verkefnum sem kljáðst er við í hinu daglega amstri.

[Kristján B Kristinsson (IP-tala skráð) 11.4.2015 kl. 21:07]

sæll Njörður, það er eitt sem flestir öðlast þegar þeir vinna undir yfirstjórn síns meistara eða góðs verkstjóra það er verksvit, mönnum gengur misvel að öðlast það en allir sem hendinni hafa difið kalt vatn hafa eitthvað af því en því miður er obbinn af öllum þeim fræðingum sem menntakerfið hefur ungað út fólk sem hefur komist hjá því að dýfa hendi í kalt vatn og eru flestir gersamlega sneyddir öllu verksviti, veksvit er grundvallaratriði til að takast á við viðfangsefni í lífi og starfi. 

[Njörður Helgason, 12.4.2015 kl. 00:47]

Þeir sem hafa tekið sveinspróf í sinni iðngrein geta síðan farið í Meistaraskóla og fengið nafnbótina meistari í sinni iðngrein. Þegar meistarabréfið liggur fyrir er hægt að fara með það í Háskóla Íslands, menntavísindasvið og setjast á skólabekk og ná sér í réttindi til þess að kenna fögin sem meistarabréfið kveður á um.

Meistarabréfið veitir manni inngöngu í Háskólann auk sveinsbréfsins eftir iðnnámið!