Veita verður affallinu í annan farveg.

Gríðarlegt hop Breiðamerkurjökuls er staðreynd sem sést vel á þessum myndum.

Jökullónið er í dag líkast firði enda hyldjúpt og vatnið í því brimsalt. Þessi mikla sjávarselta í lóninu stuðlar að aukinni bráðnun jökulsins og líklegt er að lónið nái fljótlega inn að Esjufjöllum.

Með framkvæmdum er hægt að koma í veg fyrir aukna bráðnun Breiðamerkurjökuls. Það er hægt að gera með því að stífla útfall Jökulsár á Breiðamerkursandi og veita ánni í farveg Stemmu sem er skammt austan Jökulsár. Hluti úr Jökullóninu rann eitt sinn í Stemmu svo að hæðarmunurinn er sáralítill.

Farvegur Stemmu er 2-3 kílómetra langur og sjór mun hætta að streyma í jökullónið svo draga mun úr bráðnun Breiðamerkurjökuls. Í Stemmu hefur ekki verið jökulá í nokkur ár og brúin yfir hana var fjarlægð.

Með nýrri brú á nýjum stað mun hringvegurinn verða áfram fær. 

Miklar landslagsbreytingar