Kalt bréf Festu lífeyrissjóðs

Ég lifði í von um að staða okkar öryrkjanna tæki framförum með nýrri ríkisstjórn. Að minnsta kosti voru loforð flokkanna sem mynduðu stjórnina í vor þau að nú ætti að gera róttækar breytingar til betri vegar á stöðu bótanna. Í bréfi dagsettu 16. júlí frá Festu lífeyrissjóði segir að á ársfundi 23. apríl hafi verið samþykkt 4% lækkun allra áunninna lífeyrisréttinda sjóðfélaga í sjóðnum árið 2012 og fyrr. Þetta er tilkynning sem barst mér þegar ég var svo viss um að það horfði til betri tíðar í lífeyrisgreiðslum þeirra sem eiga réttindi í Festu lífeyrissjóði.  Enn og aftur kemur í ljós hversu loforð framsóknarflokksins og sjálfstæðisflokksins voru mikill blekkingarleikur.