Langvarandi þurrkar valda eldhættu.

Við vorum á Tenerife í byrjun júní fram til 21. júní. Eitt af því sem bæði heimafólk og fararstjórar óttuðust var að skógar og kjarreldar ættu auðvelt með að breiðast út vegna langra þurrka sem hafa verið á Tenerife. Hér er myndband frá 2011 http://www.youtube.com/watch?v=-XufNnxUmaU

Eyjan er býsna sunnarlega á norðurhveli jarðar. Úrkoma hefur ekki verið nema af mjög litlum skammti og á fáum stöðum á þessu ári. Afskaplega er gaman að ferðast um Tenerife. Eyjan er lítil, svipuð á stærð og Reykjanesið er. En hún er mjög hálend, hæsta fjallið El Teide er 3718 metra hátt. Öræfajökull er bara hóll við hlið El Teide. Jarðfræði saga Tenerife er á aldur við austasta og  vestasta hluta Íslands.

En á eynni sér maður jarðmyndanir sem eru ekki ólíkar íslenskum jarðmyndunum. En á Tenerife hefur enginn hluti fjallanna og jarðmyndananna verið slípaður af jökli.

Hluti svæðanna sem við fórum um var að ná því að gróa aftur eftir síðustu skógarelda á eynni. Gróðurfar Tenerife er sérstakt og nokkuð framandi fyrir okkur sem búum á norðurslóðum. Reyndar í beina stefnu nirður af Tenerife.

http://www.flickr.com/photos/njordur/sets/72157630272729314/ Hér eru myndir frá Tenerife fyrri hluta júnímánaðar áður en eldarnir sem svo margir óttuðust kviknuðu.  

Á myndunum má sjá hluta af því sem fyrir augu bar. 

„Fjöllin loga“ á Tenerife