Lágt og umfangsmikið.

Góð framtakssemi og uppbyggjandi. Eitt er það sem ég ekki skil. Það er að hafa þessa byggingu svona lága sem þýðir að það verður að fórna allstóru svæði undir hana ef reksturinn gengur vel, sem vonandi er að hann geri. Þarf að byggja við húsið sem þýðir að enn meira svæði þarf undir bygginguna. Í skipulaginu hlýtur og á að setja inn stækkunarmöguleika.
Það er aumt á svona stað að byggingin þurfi að taka svona mikið pláss á bæjarstæðinu. Hús sem væri tveim hæðum hærra þyrfti miklu minni lóð og yrði í leiðinni táknmynd.

1,2 milljarða fjárfesting á Siglufirði

Athugasemdir

[Sigurður Haraldsson, 19.5.2012 kl. 10:26]

Þú ert ekkert að hugsa um staðsetninguna út frá sjónum því að byggja svona út í sjóinn allt í kringum eyjuna okkar er fáviska og ekkert annað!

[Jón Steinar Ragnarsson, 19.5.2012 kl. 10:41]

Helmingur hússins verður á uppfyllingu svo það er ekki verið að fórna neinu. Hinn helmingurinn er byggður á stað þar sem stór braggi var fyrir. Hæðin ræðst af því að byrgja ekki sýn til þorps og fjalla frá miðbænum.  Það er ekkert sem setur kröfur á að stækka hótel per se. Vilji menn bæta við gistirýmum, þá er vænlegra að byggja annarstaðar eða nýta annað húsnæði sem fyrir er. Það eykur líka fjölbreytni. Bærinn er lágreistur og vinarlegur og yfirþyrmandi bygging upp á margar hæðir á þessum stað myndi spilla þessu yfirbragði og jafnvel eyðileggja það.  Það eru fleiri gistirými í bænum eins og er og vel hægt að bæta við.

Það er undarlegt hvað Íslendingar hrökkva alltaf í baklás ef menn vilja framkvæma um leið og þeir kalla hástöfum á meiri framkvæmdir, uppbyggingu og atvinnu.

[Jón Steinar Ragnarsson, 19.5.2012 kl. 10:59]

Gisting snýst ekki um magn heldur gæði. Hér er einfaldlega verið að bjóða gisingua persónulegum og vinarlegum nótum í anda byggðarinnar. Það er það sem fólk væntir ef það á annað borð ákveður að staldra við í litlu byggðarlagi. Settu þig í þau spor sjálfur. Hvort myndir þú telja meira aðlaðandi að gista á vinarlegum stað með persónulegu yfirbragði og nálægð við andrúm byggðarinnar eða í einhverjum kumbalda sem býður upp á skápa til að sofa í alfarið á praktískum nótum.  Hótel eru hluti þeirrar upplifunnar sem fólk sækist eftir en ekki bara staðir til að sofa á.  Sama gildir um veitingahús. Ef þau tækju eingöngu mið af því að seðja hungur ferðamanna þá væru þau hönnuð eins og Múlakaffi eða Höfðakaffi. 

[Sigurður Haraldsson, 19.5.2012 kl. 20:42]

Nú er verið að sétja eggin í sömu körfuna allir ætla að græða á gistingum skemmtistaðir sem gegnið hafa í áratugi eru umsvifalaust teknir og breytt i gistirými! Þessi þróunn er uggvænleg ekki sýst í ljósi þess að heimbyggðin riðar á barmi mestu kreppu sem komið hefur síðan snemma á síðustu öld! Þegar hún skellur á hver á þá að gista í þessum húsum?