Við búum á virku landi.

Haustskjálfarnir hafa verið nokkuð staðfastir í Kötlunni í allmarga áratugi. Smágos hafa orðið á svæðinu. Eitt nú í sumar, 1999 og 1955. Þessi örgos hafa ekki náð upp úr jöklinum en orsakað smærri jökulhlaup en í alvöru Kötlugosum. Þau hafa enn ekki orsakað frekari gos á Kötlusvæðinu.
Þynning jökulsins við bráðnun sumarsins virðist hafa áhrif á virknina á Kötlusvæðinu. Spurning er hvað enn frekari þynning íshellunnar gerir. Reikna má með frekari eldvirkni á svæðum undir íslenskum jöklum með breyttu veðurfari.Síðasta Grímsvatnagos var ekkert smágos.
Vissulega er biðin orðin löng eftir því að bryddi á Barða. Hvort að þetta langa goshlé hefur áhrif til stærra goss á eftir að koma í ljós.
Það má heldur ekki gleymast að gos norðaustur af Kötlusvæðinu hafa komið upp með tengingu við Kötluöskjuna. Eldgjá er mynduð ekki löngu eftir landnám á Íslandi. Þá gaus langleiðina að Vatnajökli. Frá Vatnajökli komu síðan Skaftáreldar 7-800 árum seinna.
Við lifum á virku landi. Hjartsláttur landsins finnst öðru hvoru. Eins leitar heit kvikan upp á yfirborðið með mismiklum afleiðingum.

Katla virkari á sumrin