Okkur vantar ekki svona eftirmynd.

Hver er tilgangurinn í því að þjóð á horriminni fari að gera eftirmynd af kirkju frá miðöldum. Það er álíka stórt verk fyrir Íslendinga og Gaudi kirkjan í Barselóna.
Við byggðum síðast stóra Hallgrímskirkju á Skólavörðuholtinu. Hún er tilvalin fyrir nemendur Tækniskólans til að sjá hvernig eigi ekki að steypa hús. Byggingin er eitt vandamál og hún var alls ekki vígð, þegar viðhald hófst á henni.
Rerglulega eru vinnupallar utan á henni. Með því er hún atvinnuskapandi. En miðað við þá vinnu sem hefur þurft að leggja í hana og alla þá vinnu sem á eftir að gera til að Hallgrímskirkja verði boðleg væri réttast að hún yrði rifin og ný byggð í staðinn. Kirkja án alkalískemmda og þess að steypan verði bleytt til að koma henni undir gluggana.
Fyrir fátæka þjóð er ekki rétt að fara út í það að gera eftirmynd af miðaldakirkju. Timburkirkju sem kallar á mikið viðhald til að hún standi veðurlagið í Skálholti.
Þá er engin þörf á því að gera eftirmynd af þessari kirkju. Eftirmynd kirkju frá siðbótinni 1541 í Skálholti eða kirkju sem var reist fyrir konungdóminn.

Miðaldakirkja rísi í Skálholti