Óskemmtilegt í byrjun sumars.

Það er illt fyrir íbúa á Kirkjubæjarklaustri að verða í biksvörtu öskuskýi. Askan er svo fín að hún smýgur alls staðar. Því er enginn hlutur óhultur fyrir því sem eldstöðin í Grímsvötnum er að senda frá sér.

Það er ekki ólíklegt að eldgosinu fylgi allstórt hlaup á Skeiðarársandi. Kvika í eldgosum bræðir mikinn ís sem er á jöklum. Vissulega skiptir miklu máli hvað eldstöðin er stór. Gosið í Gjálp varð í alllangri sprungu. Það gos bræddi mikinn ís og bræðsluvatnið safnaðist fyrir í Grímsvötnum. Sem varð til þess að valda stóru hlaupi sem meðað annars hreif brúna yfir Sandgígjukvísl með sér.

En þegar að ég kom út í morgun í Hafnarfirðinum var hárfín aska á öllu. Eitthvað líkt því sem maður sá í fyrra frá Eyjafjallajökli.

Það sást vel í gærkvöld þegar örkumistrið var að skríða yfir Bláfjöllin, yfir Helgafellið og dreifðist síðan yfir bæinn.

Hér er mynd af þessu.

Kolniðamyrkur á miðjum sumardegi