Óréttlát veggjöld

Við þessa frétt af Merði set ég inn það sem ég skrifaði til Ögmundar:

Ágæti Ögmundur. Nú eru enn og aftur að hellast yfir okkur hækkun á eldsneyti. Hækkun sem við fáun svo í viðbót á verðtryggðu lánunum okkar vegna vísitölunnar sem tekur mið af öllum hækkunum. Já og yfirleitt einhverri vanlíðan í efnahagskerfinu.

Ekki er nóg með þessa áramótahækkun. Heldur er vitað að eldsneyti mun hækka enn meira þegar líður fram á veturinn og vorið. Allar þessar hækkanir koma í vísitölugrunninn og með því keyra okkar lán á verðlausum og verðlækkandi húsum. Ekki er hægt lengur að kalla húsin okkar húseignir. Það er allt grafið undan eignarhlutanum.

Ég ætla rétt að vona það að þú Ögmundur og félagar þínir í ríkisstjórninni blásið kyrfilega út af borðinu hugmyndir um vegtolla til að standa straum af endurbótum og nýjum vegum.

Alveg er það eldklárt að svona vegtollur muni hækka vísitöluna og þar með lánin okkar. Svona skattur er ekki það sem þarf að koma í íslenskri umferð. Sífelt færri ferðast um landið. Svo að helstu greiðendur þessa vegaskatts verður fólk sem er að aka til og frá vinnu í gegnum gjaldsvæði. 

Því skora ég á þig Ögmundur Jónasson að leggja það til að hugmyndir um veggjöld verði sendar út í ystu myrkur.

 

Hugsa þarf veggjöld upp á nýtt

Athugasemdir

[Magnús Sigurðsson, 7.1.2011 kl. 10:08]

Flott skrif.

[Njörður Helgason, 7.1.2011 kl. 10:56]

Takk!