Askan rýkur yfir byggðina.

Svo mikil aska er uppi á Eyfellskum heiðum að ekki er að undra þó að mikið öskumistur sé núna undir Fjöllunum. Það hefur líka ekki fest mikinn snjó á heiðunum til að hylja öskuna svo að núna þegar hvessir er viðbúið að hún fjúki niður til suðurs yfir byggðina undir Eyjafjöllum.

Eins og Magðalena í Drangshlíðardal segir þá spáir því að vindurinn aukist enn þegar líður á daginn. Svo að það má búast við því að öskumistrið aukist frekar undir Eyjafjöllunum seinni partinn.

Það er því alls ekki lokið hörmungunum undir fjöllunum eftir eldgosið í Eyjafjallajökli í vor. Jólaundirbúningurinn Eyfellski er þetta árið í öskumistri.

Askan fýkur undir Fjöllunum