Dyrhólaey þarf að opna og framkvæma þar.

Þessi svæði verður að venda til þess að halda í þá náttúru sem þar er.

Ég er alinn upp með Dyrhólaey fyrir augunum. Á Dyrhólaey var gerð tillaga að skipulagi fyrir tæpum tuttugu árum. Engar framkvæmdir hafa verið gerðar samkvæmt þessu skipulagi. Eyjan er í dag frekar að drabbast niður af nokkrum ástæðum. Ein þeirra er að með lokun fyrir sauðfé er Eyjan að kafna í sinu. Á þessu svæði er mikill gróandi og lokun fyrir beit er alls ekki til góðs.

Framkvæmdamenn fóru eitt sinn að hefjast handa við hafnargerð eða innsiglingarbætur. Þær framkvæmdir eru í dag ekkert nema minnismerki og landslagsskemmd. Skarð niður á Kirkjufjöru sem gerið stóra rauf í kletta Lágeyjarinnar.

Um nokkura ára eða áratuga skeið hefur verið lokað fyrir umferð fólks á Dyrhólaey að vori og fram undir mitt sumar. Þessi lokun er gerð til að venda æðarvarp sem er á Dyrhólaey. Ég veit ekki hverjar tekjur bændanna eru af þessu æðarvarpi. Það hefur ekki komið fram.

En með þessari lokun eiga minkar og refir góðan aðgang að æðarfuglinum og öðru dýralífi á Eynni. Friðunin hefur því helst orðið til þess að efla dýralíf skolla og minks á Dyrhólaey.

Því þarf að: Fara í framkvæmdir á Dyrhólaey samkvæmt því skipulaginu sem var unnið á Eynni. Mesta vernd Dyrhólaeyjar er að hætta að loka aðgengi að henni fyrir fólki að vori og fyrri part sumars. Hún er gagnslaus eða til skaða.

Friðlýst svæði í hættu