Skemmtileg ganga.

Afskaplega var góður göngutúrinn niður Skólavörðustíginn í dag. Var bak við Birnu Þórðardóttur sem var með tröppu sem hún stígur upp í og talar leiðsögnina úr þegar hún er að fara með fólk í útsýnisferð um gamla bæinn. Ég spurði Birnu hvort þetta  væri metorðastigi. "Nei, ég hef aldrei verið fyrir það að fara upp metorðastigann" sagði Birna. "Ég þóttist vita það" sagði ég. "Þakka þér fyrir" sagði Birna. 

Við fengum okkur kjötsúpu hjá Úlfari Eysteinssyni framan við Hegningarhúsið á Skólavörðustíg. Mikið var hún góð og dásamlega ekta. Ég fékk mér aðra súpu gengt Ostahúsinu rétt neðar á Skólavörðustígnum. Hún var aðeins kryddaðri en þessi orginal, en rífandi góð var hún.

Ljómandi gott að labba í bæinn og fá dýrindis kjötsúpu á leið niður Skólavörðustíginn.

Ég þakka öllum fyrir þessa dásamlegu kjötsúpu!

Margir gæða sér á kjötsúpu