Það verður að leiðrétta okkar hlut!

Það er dagljóst að þessi dómur og allar hans afleiðingar verða aðeins byrjunin. Lánin okkar með VERÐBÓTUNUM verður að leiðrétta.

Við höfum ekkert gert til að kynda undir vístöluhækkuninni. Í gær fengum við bréf um að eignir okkar hafi fallið að verðgildi. En lánin halda áfram að hækka.

Vilja skoða lagasetningu

Athugasemdir

[Magnús Sigurðsson, 30.6.2010 kl. 16:39]

Nú er öllu til tjaldað að etja lánþegum saman og gömul trix notuð.

http://www.youtube.com/watch?v=sQ3xxwQvVnE&feature=player_embedded 

[Steinar Immanúel Sörensson, 30.6.2010 kl. 17:01]

Nei ég er ekki með verðtryggt íslenskt lán þess vegna gengur ekki að þið fáið leiðréttingu, - þetta eru rök ýmissa sem tala gegn þvi að farið sé að lögum í þvi að leiðrétting gengistryggðulánanna og samningar þeirra standi að öðru leiti.

við eigum öll að berjast gegn verðtryggingunni hún er fáránleg eins og hver maður getur séð þegar hann notast við reiknivélar bankanna

[Gunnar Heiðarsson, 30.6.2010 kl. 17:51]

Við sem erum með verðtryggð lán meigum ekki falla í þá gryfju að fara í stríð við þá sem nú eru að fá leiðréttingu sinna mála. Við verðum að standa að baki þeim.

Hagsmunasamtök heimilanna er að vinna í okkar málum líka, vandinn fyrir okkur er að engin lög hafa beinlínis verið brotin, eins og varðandi gengistryggðu lánin. Því verður að vinna okkar mál eftir öðrum leiðum.

Það er ljóst að okkar málstaður er sterkari eftir dóm Hæstaréttar, þó sá dómur komi ekkert inn á okkar lán. Styrkurinn er fyrst og fremst réttlætissjónarmið, að þegnum landsins sé ekki mismunað.

Í raun ætti ekki að vera mikið mál fyrir lánastofnanir að lækka höfuðstól verðtryggðra lána, tekjur þeirra myndu ekki lækka svo mikið. Það kæmi fyrst og fremst út sem minni eign bankana og hefði lítil áhrif fyrr en undir lok hvers lánasamnings. Á móti kæmi meiri eign lántaka og vilji hans til að standa við samninga yrði væntanlega meiri. Þannig að þegar upp er staðið munu bankarnir örugglega hagnast meira á því að lækka höfuðstól verðtryggðra lána. Það er hætt við að fólk sjái lítinn tilgang í að borga af láni sem er orðið hærra en veðið sem að baki liggur, sérstaklega þegar litlar eða engar líkur eru á að það hlutfall breytist fyrr en eftir 10 - 20 ár. Það er ekki skemmtileg tilhugsun að vera bundin á skuldaklafa svo lengi, þá er hætt við að fólk láti eignir sínar frekar fara á uppboð og geri sig gjaldþrota. Það gæti riðið bönkunum að fullu ef fólk tæki upp á slíkum aðgerðum.

[Njörður Helgason, 30.6.2010 kl. 19:58]

Það verður vissulega að leiðrétta gengislánin sem eru í villu og svíma. Ekki lagar það sem fram er sett af Seðlabánkanum í dag.

Enn vissulega er verðtrygggingin á lánunum okkar komin í algert bull. Með því að tala um hana er engan vegin verið að fara í stríð við gengislánin. Okkar vébönd eru vissulega nauðsynleg til að rétta hlut okkar sem erum innan þeirra.