Langþráð rigning getur skapað hættu.

Það er ekki að furða að eðjuflóð komi í árnar undir Eyjafjöllum núna þegar langþráð rigning kemur þar. Ekki er ósennilegt annað en að eðjuflóð eigi eftir að koma í fleiri ár en Svalbælisá. Við upptök allra jökulánna sunnan við Eyjafjallajökul er mikið af gjósku og gríðarmikil aska er á jöklinum sjálfum. Hún rennur auðveldlega af stað í úrkomunni. Þessi gjóska er svo örfín að ef að hún mettast af vatni og fer af stað verður eðjuflóðið gríðar þungt. Ekkert venjulegt vatnsflóð heldur líkara steypu með miklu flæði.

Þess vegna er vonandi að flóðin verði ekki stærri en að árnar haldist í farvegum sínum. Ef eðjan fer upp á gróið land verður hnausþykk leirdrulla eftir á landinu.

En það er þó til mikilla bóta að farið sé að rigna fyrir austan til að skola landið og víðar til að hreinsa loftið.

Suðurlandsvegur slapp naumlega

Athugasemdir

[Karl Kristensen, 10.6.2010 kl. 13:32]

Ólafur bóndi hann byrjaði að slá

þá birti yfir svipnum á öllum,

en svo fór að vaxa í Svaðbælisá,

svona er líf undir fjöllum.

Í búskapnum ákveðin berjast sem ljón

en af búsifjum alltaf á tánum,

í gíslingu eru þau geðugu hjón

af gosi og vexti í ánum.

[Njörður Helgason, 10.6.2010 kl. 17:09]

Góður.

[Anna Sigríður Guðmundsdóttir, 10.6.2010 kl. 19:50]

Mínar stuðningskveðjur til þessa hetju-fólks fyrir austan, sem allra annarra Íslendinga.

Sem betur fer hafa Norsku bændurnir stutt með peningum.

Auðæfin þarna fyrir austan eru auðæfi svo margra! Við ræktum ekki mjólk í blómapottum, og fólk vill kannski ekki g-mjólk frá Evrópu, sem jafnvel fer í sömu hundana? M.b.kv.