Fórnarkostnaðurinn allt of hár.

Ég var að heyra þessa frétt rétt áðan. Það er ekki á nokkurn hátt hægt að sætta sig við það, að Kínverskir peningar eigi að þýða það að íslenskar virkjanir verði byggðar upp af Kínverjum.

Bygging Sultartangavirkjunnar og Vatnsfellsvirkjunnar var mikil innspýting í atvinnustig iðnaðar og tæknimanna á sínum tíma. Nú berast fréttir af því að eitt stærsta fyrirtækið á Selfossi, Ræktunarsamband Flóa og Skeiða sé búið að segja öllum upp. Á sama tíma á að opna fyrir það að útlendingar utan EES svæðisins geti komið inn á íslenskt vinnusvæði og unnið þar. Á meðan eiga íslenskir starfsmenn að horfa á vinnusvæðið gegn um girðingu og ekkert að fá að gera.

Ég held að fjármagnið sé of dýru verði keypt ef það á að þýða áframhaldandi atvinnuleysi íslenska vinnuaflsins.

ASÍ: Ekki verði veitt atvinnuleyfi utan EES