Gaus Katla í sjó á síðustu öld?

Hvort sem það tengist eldsuppkomunni í Eyjafjallajökli eða ekki, þá er löngu kominn tími á Kötlugos. Það hefur hingað til þótt vera það lengsta bil sem verður á milli Kötlugosa séu 70 ár. Frá síðasta alvöru Kötlugosi, 1918 voru sjötíu ár árið 1989. Ekki bryddi á Barða það árið né síðan. Margir sem ég þekkti lifðu gosið 1918 sem börn og biðu alvöru goss. Þeir lifðu ekki Kötlugos á sinni ævi. Frá því ég hætti að vera hræddur við Kötlugos hef ég beðið eftir Kötlugosi.

Hún lætur enn bíða eftir sér, lítið gerist. Hef heyrt að í Krukkspá sé spá um að Katla gjósi ekki eftir að hún gjósi í sjó. Hvort Surtseyjargosið 1963 geti talist Kötlugos í sjó er spurning. Vestmannaeyjaeldstöðin er sjálfstæð eldstöð sem gaus síðast í á Heimaey 1973. Hver veit nema það hafi létt á Kötlu. Vangaveltur eiga rétt á sér. Hekla hefur líka gosið nokkrum sinnum frá 1918.

Telja líklegt að Katla gjósi bráðlega

Athugasemdir

[Sigurður Haraldsson, 27.5.2010 kl. 15:53]

Katla mun ekki gjósa að þessu sinni nema smá gosi undir jökli engum til ama.

[Njörður Helgason, 27.5.2010 kl. 16:34]

Já smá prump. Eða aðeins lengi bið og alvöru gos.

[Sigurður Haraldsson, 27.5.2010 kl. 16:57]

Já í þetta sinn kemur ekki í framhaldi að Eyjafjallagosinu jafnvel eftir að þau gos hafa lokið sér af!