Sagan lifnar við.

Þetta er núna orðinn góður gosskamtur. Það kom gos í fjallinu sem maður hélt að upplifunin á gosi væri fjarlæg. Ég er búinn að bíða eftir Kötlugosi frá því að ég hætti að vera logandi hræddur við að Katla kæmi. Hún sefur enn fast.

Það er ótrúlegt hvað maður er búinn að upplifa í náttúruhamförum síðustu áratugina. Sögur sögðu frá stóru hlaupi á Skeiðarársandi. Þar kom gríðar hlaup 1996. Frásagnir  sögðu frá landskjálftum á suðurlandi á öldum áður. Jörðin skalf gríðarlega 2000 og svo aftur 2008. Heklugos voru sjaldgæf. 1971 kom gos við Heklu eftir 24 ára hlé frá 1947. Síðan hefur Hekla gosið á tíu ára fresti. Kröflueldar héldu öllu gangandi meðan þeir stóðu. Í landafræðinni las ég að á Heimaey væri útbrunnið eldfjall. Ég man þegar amma mín vakti mig aðfaranótt 23. janúar 1973. "Veistu að það er farið að gjósa". Eyjafjallajökull var fallegt fjall og er enn fallegur. Þar blundar eldrás sem nú hefur létt af sér.

Vonandi er hún búin að létta nóg af sér fyrir næstu 200 árin.

Syðri gígurinn er óvirkur