Mýrdælingar á vaktinni.

Virkilega er þörf á því að fara yfir mál eldgossins í Víkinni. Eyjafjallajökull er í nágrenninu og aldrei er að vita hvaða áhrif gosið hefur á megineldstöðina undir Mýrdalsjökli. Íbúar verða að vera reiðubúnir að yfirgefa heimilin sín. Man að konurnar sem unnu á saumastofunni Kötlu voru með í töskunum. Sumar alla vega.

Ég hef verið að lesa heimildir um Kötlugos. Þar eru órækar sannanir fyrir tengslum á milli Eyjafjallajökulseldstöðvarinnar og Kötlueldstöðvarinnar. Því er vissara fyrir íbúana að vera upplýstir um það sem er í gangi.

Það er ljóst að gosefnin úr Eyjafjallajökulsgosinu eru að valda skaða þar sem þau falla til jarðar og ekki síður þar sem flóð fara yfir. Það verður ekki lítið átak fyrir bændur og búalið að koma jörðunum í samt horf á ný. Eitthvað sem er alls ekki hægt að ætlast til að fólk geri eitt og  óstutt.

Farið yfir stöðu mála í Vík

Athugasemdir

[Páll Jónsson, 19.4.2010 kl. 22:13]

Ef það eru einhverjir Íslendingar sem ekki þarf að vara tvisvar við hættunni á Kötlugosi þá eru það væntanlega Mýrdælingar...

[Njörður Helgason, 19.4.2010 kl. 22:19]

Það er aldrei of oft farið yfir áætlanirnar.

[Páll Jónsson, 19.4.2010 kl. 22:25]

Nei það er víst rétt. Ég hef heyrt að andrúmsloftið sé svolítið þungt þarna á svæðinu núna, örugglega óþægilegt að hafa þetta hangandi yfir sér.

[Njörður Helgason, 19.4.2010 kl. 22:26]

Menn og konur vita ekkert hvað gerist næst.