Á að greiða fyrir aðgang að upplýsingum?

Það eru ærnar álögurnar sem lagðar eru á þjóðina. En að ætla að selja fólki þessa skýrslu sem gerð er fyrir fólkið í landinu er skammarlegt. Skýrsla sem gerð er til að upplýsa fólk um það sem það á rétt á. Upplýsa íbúa Íslands um svikameðferðina sem við vorum í um árabil.

Þetta kostar vissulega, en hvert mannsbarn í landinu á rétt á eintaki án endurgreiðslu.

Skýrslan kemur 12. apríl

Athugasemdir

[Muddur, 22.3.2010 kl. 15:23]

Ég hugsa að greiðslan sé fyrst og fremst fyrir prentkostnaðinum, því það er jú helvíti dýrt að prenta svona margar síður út. Netútgáfan verður væntanlega ókeypis. En ég skil samt ekki af hverju í ósköpunum verið er að eyða tíma í að prenta þetta út, og tefja þannig birtingu fyrir almenningi. Frekar ætti að birta skýrsluna strax á netinu, sem ca. 90-95% Íslendinga hafa aðgang að. Þeir sem vildu prentað eintak gætu þá prentað skýrsluna eða hluta hennar sjálfir, nú eða fengið einhverja prentsmiðjuna til að gera það fyrir sig. Það hefði verið upplagt að skýrslan yrði tilbúin fyrir páska, þannig að fólk gæti nýtt sér páskafríið til að klóra sig í gegnum hana.

[Evert S, 22.3.2010 kl. 15:41]

Og eyðileggja páskafríið??????????'  nei þá er betra að bíða þar til eftir páska og nota páskafríið í eitthvað uppbyggilegt.

annars er ég nokkuð viss um að það kemur ekkert nýtt fram í þessari skýrslu og því óþarfi að vera að birta hana, en mér skilst að það verði bara rukkað  fyrir prentaða eintakið en ekki það sem verður á netinu svo það er ekki verið að borga fyrir neinar upplýsingar, bara efnið.

[H.T. Bjarnason (IP-tala skráð) 22.3.2010 kl. 15:43]

Ég sé ekkert athugavert við að fólk þurfi að greiða fyrir prentaða eintakið, enda er kostnaðurinn við að prenta þetta um 11.000 kr., mun hærri upphæð en verðið sem þarf að greiða.  Að auki verður þetta aðgengilegt á netinu þannig að fólk getur kynnt sér þetta þar að kostnaðarlausu.  Þetta verður ekkert mál.

[Njörður Helgason, 22.3.2010 kl. 20:18]

Það er ekki líklegt að það verði flóð upplýsinga í þessu. Eðlilegast væri að hvetja til sparnaðar á pappír og ná í skýrsluna á netinu og borga ekki krónu fyrir.

[Dexter Morgan, 22.3.2010 kl. 22:02]

Mín tilgáta er sú; að innihaldið sé ekki pappírsins virði, þetta verður eitthvað HUMM og HA, og hvítþvottur og engin á Hraunið eða neitt. Allt saman "bad mistake" SORRY......