Barátta, fyrir hverju?

Þetta er alvarlegt mál. Hver tilgangurinn var er ekki vitað. Ef einhverjir halda að þetta sé rétta leiðin þá er rétt að gera þetta af þekkingu og að láta vita hverjir eru að verki. Baskarnir á Spáni vöruðu yfirleitt við. IRA ekki altaf og þýsku Bader-Meihof komu oft á óvart.

Það er ef til vill ekki óeðlilegt að farið sé út í grófari aðgerðir. Verst að skilaboðin eru engin.

Reynt að lama fjarskipti

Athugasemdir

[Axel Þór Kolbeinsson, 18.3.2010 kl. 10:22]

Illa hönnuð sprengja líka miðað við myndina á mbl.is

[Njörður Helgason, 18.3.2010 kl. 11:28]

Ekki vel hönnuð. En tilgangurinn er torræður og sprengjan hefði getað valdið miklum skaða. Menn vissu alveg hvar þeir voru.

[Rúnar Berg Baugsson (IP-tala skráð) 18.3.2010 kl. 11:34]

Ég get rétt ímyndað mér hver tilgangurinn var. Í víðsjá um daginn var einmitt fjallað um hvernig fjölmiðlar eru að þróast í þá átt að þeir eru farnir að gera hinn meðal-íslending meira og meira egósentrískann um það sem gerist á Íslandi og ekkert nema Íslandi. Í fréttum Stöðvar 2 í gær var fjallað um komu einkarekins hers eins og fjárfestingu og atvinnutækifæri og ekki minnst einu orði á það hvert hlutverk hers sé raunverulega né spurt hvort velsæld byggð á hernaði sé þess lags velsæld sem fólk vill.

Fjölmiðlar eru að verða meira og meira að heilaþvottastöð fyrir íslenskan almúga. Þeir fastmóta hugmyndir um það sem þeir fjalla um, handvelja það sem þeir fjalla um og loks með þeim hætti sem þeim sýnist (t.d. með því að fjalla um hversu vitlaust það er að hafna erlendum einkaher en ekki hvað slíkur her gerir).

Tangarhald sterkustu fjölmiðlanna á þjóðinni er það mikið, þeir hafa það mikla markaðsráðandi stöðu að, allavega ég trúi því ekki að það sé hægt að losa um þetta tangarhald nema með einhverskonar afbyggingu. Afbygging með umræðu er óraunhæf þar sem að verið er að ráðast á heim í heimi þar sem þessi sömu öfl  ráða öllu. Ég sé því fátt annað sem hægt er að gera nema beinar aðgerðir. Skemmdarverk liggur þá beinast við.

[Njörður Helgason, 18.3.2010 kl. 11:47]

Íslenskir fjölmiðlar verða þá kanski að hlaupa í skjól. Málflutningur þeirra kemur þeim í bobba. Minnir mig á áramótaskaupið síðasta.

[Sigurður Haraldsson, 19.3.2010 kl. 00:57]

Fjölmiðlar birta á stundum bara það sem þeim hentar! Á laugardaginn var komu um fimm hundruð mótmæliendur saman á Austurvelli á það var ekki minnst! En ef það hefði verið brotin rúða eða tómatsósa slett á alþingi þá hefðu fjölmiðlar ekki setið hjá, hvaða skilaboð eru þeir að senda?