Mígandi rigning í Sveitinni

 Ég var í Mýrdalnum í gær. Þar rigndi óskaplega eins og gert hefur í sumar.

Útlit fyrir áframhaldandi rigningu

Þá vantar!

Hvar eru taflmenn útitaflsins?

Lífgað upp á Bernhöftstorfuna

Hvað gefur gjaldið?

Hvað fá gestir fyrir gjaldið? Er leiðsögn? Eru allar brúnir tryggðar þannig að enginn fer sér að voða? Er klósett? Fær fólk bara að horfa á náttúrusköpunina? Hver greiðir slysabætur?

Greiða gjaldið með glöðu geði

Ólafur í beinni.

Ólafur ætlar að koma fram í beinni til segja hvað hann ætlar að gera eða gera ekki.

Forsetinn boðar til blaðamannafundar

Allt fór vel.

Þetta fór sem betur fer vel. Staðarnafnið minnir á ljóð Matthíasar Jochumssonar um Eggert Ólafsson. 

Eggert Ólafsson

Þrútið var loft og þungur sjór,
       þokudrungað vor. 
Það var hann Eggert Ólafsson, 
       hann ýtti frá kaldri Skor. 

 

Skipverjum bjargað frá borði

Sumarveður í Hafnarfirði

Slagveðursrigning á miðju sumri. 

Menntun í ferðamannaiðnaði, matseld og þjónustu.

Menntun í ferðamennsku og menntun þeirra sem starfa við matseldun og þjónustu er mikilvæg fyrir alla sem eru að kaupa þjónustuna.

Stóraukin starfssemi í ferðaþjónustu kallar á að starfsfólk menntist sem ætlar að vinna við ferðaþjónustu. Hjá Menntaskólanum í Kópavogi er hótel og matvælanám auk annara greina sem henta fyrir þá sem vilja læra um starfssemina

http://mk.is/index.php?option=com_content&view=article&id=1019&Itemid=37 

Fyrir aukna íslenska ferðamennsku er mikilvægt að starfsfólk sæki sér menntun í öllum greinum hennar. Íslendingar lentu í klúðri í byggingariðnaðinum þegar uppgangur var í honum. Óþarft er að ferðamannaiðnaðurinn gjaldi fyrir það að fólk með menntun er ekki að starfa í honum. Heldur verði ferðaþjónustann byggð upp á þekkingarleysi og svartri aðvinnustarfssemi.  

 

„Öskrar“ eftir meiri menntun

Ábyrgðin er landeigenda.

Ef landeigendur ætla að fara að selja inn á svæði landsins er ekki nóg að selja inn. Öll gæsla verður að vera á staðnum og alls öryggis gætt gagnvart gestum. 

Hefja gjaldtöku við Kerið

Roy Rogers?

Eltist við bófa og ræningja!

Maður á hesti við Stjórnarráðið

Íslandi fórnað

Fórn Íslands

 

Þróun í uppbyggingu virkjana hefur verið ill undanfarin ár. Þær eru sagðar vera sjálfbærar í máli íslenskra stjórmálamanna og forseta við erlenda og innlenda aðila undanfarin ár. Nýjasta dæmið er um Hellisheiðarvirkjun sem var sett snarlega í framkvæmd þegar deilur voru um framkvæmdirnar við Kárahnjúk. Hellisheiðarvirkjun á greinilega örstuttann líftíma og verður því framkvæmd sem mun renna fljótt sitt skeið.

Hellisheiðarvirkjun á nú að redda með flutningi gufu úr Hverahlíð frekar en að byggja virkjun þar til að tryggja orkuframleiðsluna. Hve lengi verður hægt að dæla hita úr Hverahlíðarborholunum á eftir að koma í ljós.

Gufuaflsvirkjanirnar valda mun meiri náttúruspjöllum en talað hefur verið um. Loftmengun frá þeim er staðreynd og niðurdæling átti að redda frárennslinu. Henni hefur fylgt aukin skjálftavirkni og sjónmengun með pípum á Hellisheiði er ekki til prýði.

Frárennslinu frá Nesjavallavirkjun er að stórum hluta veitt í Þingvallavatn. Líklega hefur verið talið að Þingvallavatn sé eins og sjórinn og taki lengi við, því miður er ekki svo eins og sést af mengun heimshafanna. Tærleiki Þingvallavatns er farinn að láta á sjá, dýralíf og hitastig vatnsins er í voða.

Þessi þróun fer um allt landið og hefur áhrif á framleiðslu ódýrrar raforku til stóriðjanna. Því miður verðum við neytendurnir að taka á okkur hækkanir og spara rafmagnið eins og við getum til að sóa ekki raforkunni frá stóriðjunum.

 

Á austurlandi hefur verið byggð stór virkjun með hárri stíflu, stóru lóni, löngum göngum og raforkumöstrum til að flytja raforkuna til álversins á Reyðarfirði.

Framburður Jökulsár á Dal er mikill. Spurning er hvort Hálslón mun koma til með að fyllast fljótt af framburði og valda því að Fljótsdalsstöð muni verða skammlíf eins og Hellisheiðarvirkjun.

Þá verður stóra spurningin um það hvernig virkjuninni verður bjargað. Verður langstærsti draumurinn endurvakinn og Jökulsá á Fjöllum beint að hluta í Fljótsdalsstöð til að tryggja framleiðsluna. Með því verður enn meiri aukning á mengun í Leginum, hækkun vatnsborðs og dauða dýralífs.

Miðað við bjargræðið á Hellisheiði er ekki ólíklegt að Fljótsdalsstöð verði bjargað með árveitu frá öðru fljóti til að tryggja starfsemina áfram. Sama hverju á að fórna.

 

Stífla var sprengd í Laxá sem stöðvaði óskaplegar framkvæmdir við lón og veitingu Skjálfandafljóts yfir í Laxá.

Nú eru uppi hugmyndir um gerð gufuaflsvirkjunar sunnan Mývatns. Líklega verður frárennslinu veitt í Mývatn með áhrifum sem eiga eftir að koma í ljós. Kannski of seint!

Það er mikil spurning hvort Ísland á að verða miðstöð raforkuframleiðslu. Á að fórna vötnum, ám og landsvæðum fyrir áframhaldandi virkjanagerð. Virkjanir sem byggðar eru án tæmandi rannsókna og álit vísindamanna eru túlkuð sem mótmæli sem ekki eigi að hlusta á eða fara eftir.

Það er dapurt að verða að bíta í það úldna epli þegar skaðinn er skeður og málunum er reddað með því sem tryggir áframhaldandi rekstur bjartsýnisvirkjanna.