Jón vill flækja málið.

Það verður ævinlega þjóðinni fjötur um fót að hafa flokka eins og sjálfstæðisflokkinn og vg á þingi. Flokka sem tala niður leiðir til lausnar fyrir þjóðfélagið. Það er vinsælt hjá sjálfstæðismönnum og græningjum vinstri að tala um að leggja það í kosningu þjóðarinnar hvort eigi að fara út í viðræður. Til hvers?

Er staða Íslendinga í samningaviðræðum góð ef 53% þjóðarinnar samþykkja viðræður. Er það gott veganesti til að fara með til Brussel? Nei. Íslendingar verða eins og að þeir séu að fara með veggjum inn í umræður um aðild. Gera á það frekar með reistum hnakka. Láta þjóðina síðan ráða um niðurstöðuna.

Það á að fara út. Það á að vinna að samkomulagi. Leggja niðurstöðuna síðan í mat þjóðarinnar og lúta niðurstöðunni úr henni. 

Ég kaupi ekki málflutning Jóns á Hólum. Hvað hefur hann í farteskinu til að hrekja það að fara eigi út í viðræður til að sjá hverju þær skili? Jón hefur ekkert komið með til að hrekja álit mitt á því að okkur sé best borgið innan Evrópusambandsins.

Segir Samfylkinguna að einangrast í ESB-umræðunni