Illt að sjá á eftir Villa.

 Þó að ég fagni hverjum sjálfstæðismanni sem fellur út af Alþingi. Er illt að jafngóður maður og Vilhjálmur Bjarnason detti út. Hann var kennari minn í meistaraskóla Tækniskólans og vakti alltaf líflegar umræður í tímunum.

„Hlýt að hafa verið óæskilegur“

Athugasemdir

[Guðmundur Ásgeirsson, 31.10.2017 kl. 14:05]

Það kemur varla óvart að hann sé ósáttur. En eitt er þó farið rangt með í fréttinni, þar sem segir: "Sjálf­stæðis­flokk­ur­inn notaðist við óbreytta lista fyr­ir kosn­ing­arn­ar um helg­ina." Það er alls ekki rétt því einmitt í þessu tiltekna kjördæmi (suðvestur-) var einn tiltekinn frambjóðandi tekinn handvirkt út af lista milli kosninga. Það var nafni hans Vilhjálmur Bjarnason fasteignasali og "ekki fjárfestir", en í kosningunum þar á undan var hann í 7. sæti á lista Sjálfstæðisflokksins samkvæmt niðurstöðum prófkjörs í kjördæminu og náði því kjöri sem varaþingmaður. Þetta er eini maðurinn sem var tekinn af (annars óbreyttum) framboðslistum flokksins á landsvísu milli kosninganna 2016 og 2017 og er því ljóst að um grófa mismunun er að ræða. Jafnframt er þetta lýsandi dæmi um það hversu ólýðræðisleg vinnubrögðin eru orðin hjá þessum flokki sem áður vildi kalla sig einn helsta boðbera lýðræðis á Íslandi.

[Njörður Helgason, 31.10.2017 kl. 14:56]

Góður!