Snúum við afturförinni

Snarlega verður að setja lög um að á Íslandi verði aftur vinsti umferð. Akstur á hægri vegarhelming akvega og gatna hefur sýnt sig að vera slysagildra. Nú þegar á að setja í lög að afturkalla þessi akreinarskipti. Allir syngi V lagið.

Sá menningarskaði sem varð í íslenskum sveitum við það að taka upp sjálfvirkan síma í stað sveitasímana sem allir gátu hlustað á hverju nágranninn hafði frá að segja var byrjun á algerri hnignun sveitanna. Nú þegar verður að taka aftur upp sveitasímann svo samband á milli fólks verði aftur óheflað. Tvær langar!

Hvað höfðu margir vinnu við mötuneyti og gætur á nemendum í gömlu héraðsskólunum? Þeim skólum var útrýmt og með því hætt að senda börn á skóla þar sem þau lærðu lexíur og góða siði. Þessi hús eru í dag minnismerki um forna framsýn Jónasar frá Hriflu og óbilgirni fólksins sem vann við skólana. Nú þegar á að taka það aftur upp að senda börn á skóla á fermingarárinu.

 

Björk: Rannsóknarnefnd um Magma málið